Vefhringur Landsbókasafns Íslands - Háskólabókasafns

Bókmenntir, fræðirit, handbækur og uppsláttarrit sem hægt er að nálgast á safninu

Prentuð og rafræn tímarit sem safnið kaupir í áskrift og stafræn endurgerð íslenskra tímarita

Í handritadeild safnsins eru varðveitt um 15 þúsund handrit frá 13. öld til 20. aldar

Safn hljóðrita og kvikmynda sem hægt er að nálgast á fjórðu hæð Þjóðarbókhlöðu

Kortasafnið inniheldur mikið safn gamalla Íslandskorta og stórt handbókasafn um kortagerð

Allt íslenskt prentað efni, þar á meðal bækur, tímarit, bæklingar, veggspjöld og annað smáprent

Bækur

Gegnir

Námsbókasafnið

Handbækur

Gjafir

Gjafir

Landsbókasafn Íslands - Háskólabókasafn tekur við bókagjöfum sem styrkja bókakost safnsins og eru í samræmi við bókakaupastefnu þess. Þeir sem vilja gefa bækur þurfa áður en til þess kemur að hafa samband við þjónustusvið safnsins. Talsverður kostnaður er við móttöku, skráningu og geymslu bóka og því verður safnið að vera vakandi fyrir því að viðtekið efni muni nýtast notendum þess. Safnað er öllu íslensku efni og efni tengdu Íslandi og þiggur safnið því allar íslenskar bækur og bækur er varða Ísland, sem það á ekki eða telur ástæðu til að eignast aukaeintak af. Safnið tekur einnig við sígildum, fræðilegum bókum og öðru efni sem styrkir safnkost þess á fræðasviðum Háskóla Íslands og nýtist íslensku rannsóknarsamfélagi.

Ráðstöfun gjafa

Safnið áskilur sér rétt til að fara með gjafarit sem sína eign og ráðstafa þeim að vild. Sömu reglur gilda um gjafabækur og annað efni hvað varðar grisjun, m.a. hvað varðar mat á ástandi og aldri rita. Ef um umfangsmiklar gjafir er að ræða getur verið hentugra fyrir safnið að velja úr bókum á heimili eða skrifstofu gefanda. Ef efni er mjög sérhæft er gjarnan fenginn sérfræðingur til aðstoðar við val. Gefendur geta, ef þeir vilja, sótt rit sem ekki eru tekin í safnið innan tveggja mánaða. Að þeim tíma loknum ráðstafar safnið bókunum til annarra eða fargar þeim.

Safnið tekur ekki við...

Safnið tekur að öðru jöfnu ekki við aukaeintökum bóka sem þegar eru til, stökum tímaritaheftum, tímaritum sem eru til í rafrænum aðgangi, úreltum kennslubókum eða handbókum og efni á formi sem er óaðgengilegt. Ekki er tekið við óhreinum eða útkrotuðum bókum í slæmu ástandi eða á lélegum pappír.

Móttaka gjafa

Sendar eru þakkir fyrir samþykkt efni. Algengast er að gjafir séu afhentar óformlega nema þegar þær eru sérlega viðamiklar eða verðmætar. Þá getur verið um að ræða formlega afhendingu í samráði gefenda og safnsins. Í öllum tilvikum þarf móttaka gjafa formlega afgreiðslu safnsins.

Þeir sem vilja gefa safninu rit eða önnur gögn vinsamlegast hafi samband við Bryndísi Ísaksdóttur, s. 525-5739, bryndisi@landsbokasafn.is, eða, ef um handrit er að ræða, við Örn Hrafnkelsson, s. 525-5631, orn@landsbokasafn.is.