Um safnið

Allar almennar upplýsingar um safnið, stjórn þess, sögu og framtíðarsýn.

Efni

Yfirlit yfir fjölbreyttan safnkost Landsbókasafns Íslands - Háskólabókasafns, útibú og aðföng

Safnfræðsla

Upplýsingar um kynningar á safninu, námskeið í boði og heimildaleit

Þjónusta

Safnið býður notendum sínum margvíslega þjónustu sem lýtur að upplýsingaöflun.

Þjóðarbókhlaðan

Í Þjóðarbókhlöðunni er fyrsta flokks aðstaða til náms og rannsókna.

Útibú

Safnið rekur tvö útibú í byggingum Háskóla Íslands; í Öskju og Lögbergi

Handrit og bréfasöfn

Í handritadeild safnsins á 1. hæð eru varðveitt um 15 þúsund handrit, allt frá einstökum skinnblöðum frá 13. öld eða eldri og fram til dagbóka og bréfa frá 20. öld.

Um þau eru sérstakar prentaðar skár:

• Þrjú aðalbindi gefin út 1918-1937
• Fjögur aukabindi gefin út á tímabilinu1947-1996
• Sérskrár bréfasafna- og bréfritaraskrá

Handritaskrár safnsins hafa verið myndaðar og eru aðgengilegar hér á vefnum.

Aðgangur að handritum og bréfasöfnum fæst með hjálp starfsmanna. Rit handritadeildar eru til notkunar á lestrarsal deildarinnar.

Megnið af handritakostinum eru pappírshandrit, flest frá 19. og 20. öld, en einnig fjölmörg frá 17. og 18. öld. Elstu pappírshandritin eru talin frá því undir lok 16. aldar. Handritasafnið gefur góða mynd af menningarsögu þjóðarinnar einkum bókmenningu frá upphafi til vorra tíma. Mikið er um uppskriftir og því liggur beinn þráður milli gullaldarbókmennta Íslendinga gegnum sálma- og rímnakveðskap íslenskra miðalda til einkagagna og bréfasafna nútímans. Einn helsta gimstein safnsins má telja Passíusálma Hallgríms Péturssonar í eiginhandarriti, sem safnið hefur gefið út í veglegri útgáfu.