Allar almennar upplýsingar um safnið, stjórn þess, sögu og framtíðarsýn.

Safnið býður notendum sínum margvíslega þjónustu sem lýtur að upplýsingaöflun.

Upplýsingar um kynningar á safninu, námskeið í boði og heimildaleit

Í Þjóðarbókhlöðunni er fyrsta flokks aðstaða til náms og rannsókna.

Safnið stendur að fjölda verkefna í samvinnu við innlenda og erlenda aðila.

Safnfræðsla

Heimildaleit

Safnkynningar

Leitartækni

Safnfræðsla

Nemendum, kennurum og sérfræðingum Háskóla Íslands standa til boða safnkynningar af ýmsum toga í því skyni að efla sjálfstæði sitt við heimildaleit og upplýsingaöflun almennt. Jafnframt er reynt að sinna óskum annarra hópa um heimsóknir og kynningar.

Frumkynningar

Frumkynningar eru einkum ætlaðar nýnemum við Háskóla Íslands og þeim sem vilja læra að nota bókasafnið og helstu skrár þess. Sagt er frá aðstöðu og tilhögun í safninu og efnisflokkar viðkomandi námsgreinar erukynntir, sýnikennsla er á Gegni, landskerfi bókasafna og Tímaritaskrá A-Ö og hvernig vefur safnsins nýtist sem upphafsstöð við heimildaleit. Hægt er að panta frumkynningu með því að fylla út beiðni um safnkynningu.

Framhaldsfræðsla

Framhaldsfræðsla stendur öllum til boða hvenær sem er á námstímanum og er yfirleitt skipulögð í samvinnu við kennara. Hún felur í sér kynningu á helstu hjálpargögnum við heimildaleit. Æskilegt er að framhaldsfræðslan sé í tengslum við ritgerðir eða aðra heimildavinnu nemenda. Hægt er að útbúa verkefni sem nemendur vinna sjálfstætt að námskeiði loknu og/eða hafa verklegar æfingar í tölvuveri undir leiðsögn bókavarða. Hver kynning tekur u.þ.b. eina til tvær kennslustundir. Hægt er að panta framhaldskynningu með því að fylla út beiðni um safnkynningu.

Almennar kynningar

Tekið er á móti hópum sem vilja skoða safnið eða óska eftir leiðsögn um það. Safnið er öllum opið og frjáls aðgangur er að miklum hluta safnrýmisins og sýningum. Hægt er að panta veitingar í veitingastofu safnsins fyrirfram í síma 525-5693. Venjulega er fyrst kynning í fyrirlestrasal safnsins á 2. hæð þar sem sagt er í stuttu máli frá sögu og hlutverki safnsins, safnkosti og skipulagi.Síðan er gengið um safnið og það skoðað að hluta eða öllu leyti, allt eftir því hvernig á stendur.

Opin námskeið

Safnið heldur reglulega námskeið um heimildavinnu og gagnasöfn. Námskeiðin eru öllum opin og án endurgjalds. Lágmarksþátttaka er fimm manns og áskiljum við okkur rétt til þess að aflýsa námskeiði ef ekki fæst næg þátttaka. Dagskrá námskeiða og skráningareyðublað er að finna hér.