Vefhringur Landsbókasafns Íslands - Háskólabókasafns

Allar almennar upplýsingar um safnið, stjórn þess, sögu og framtíðarsýn.

Safnið býður notendum sínum margvíslega þjónustu sem lýtur að upplýsingaöflun.

Upplýsingar um kynningar á safninu, námskeið í boði og heimildaleit

Í Þjóðarbókhlöðunni er fyrsta flokks aðstaða til náms og rannsókna.

Safnið stendur að fjölda verkefna í samvinnu við innlenda og erlenda aðila.

Þjóðarbókhlaðan og útibú

Afgreiðslutímar

Veitingasala

Vinnuaðstaða

Tæki og búnaður

Útibú

Vinnuaðstaða

Lestraraðstaða

Lestraraðstaða er á öllum hæðum hússins, um 430 sæti við lesborð. Almenn lesborð eru á 3. og 4. hæð. Óheimilt er að helga sér þau, en notendur geta yfirgefið borð eina klst. án þess að missa það með því að stilla klukku sem er á borðunum. Lesborð í handritasafni og Íslandssafni eru fyrir þá sem eru að nota gögn viðkomandi safna. Lesborð í handbókarými á 2. hæð eru fyrir þá sem eru að nota handbækur og uppsláttarrit, en þau rit eru aðeins til notkunar á staðnum. Sérstakar reglur gilda um lestraraðstöðu á próftíma.

Tölvur

Á opnum svæðum á 3. og 4. hæð safnsins, í tölvuveri á 3. hæð og í lestrarsal þjóðdeildar eru samtals 50 tölvur til afnota fyrir safngesti. Þær veita aðgang að gagnasöfnum, Gegni, ritvinnslu í Word, forritunum Excel og Power Point og öðrum forritum í Office 2007. Þeir sem hafa notendanafn og aðgangsorð að háskólanetinu, geta vistað sín skjöl á f:drifi. Þeir hafa einnig aðgang að Netinu og tölvupósti.

Internet

Í Þjóðarbókhlöðu er þráðlaust net sem hver sem er getur tengst með eigin fartölvu. Þeir sem hafa aðgang að háskólanetinu komast auk þess inn á Internetið í notendatölvum safnsins. Aðrir geta notfært sér Internetið í fjórum tölvum á 2. hæð.

Lesherbergi

Á 3. og 4. hæð eru 26 lesherbergi sem fyrst og fremst eru ætluð fræðimönnum, nemendum í framhaldsnámi á háskólastigi og öðrum sem vinna að ákveðnum verkefnum og þurfa að nota rit safnsins í því skyni (sjá gjaldskrá). Í 10 herbergjum eru tölvur með aðgangi að ritvinnslu, Netinu o.fl. Sækja skal um lesherbergi á sérstökum eyðublöðum á heimasíðu safnsins (sjá reglur um úthlutun o.fl.). Lesherbergi fyrir hreyfihamlaða er á 4. hæð nr. 28.

Hópvinnuherbergi

Þrjú hópvinnuherbergi eru í safninu, eitt á 3. hæð og tvö á 4. hæð. Þau taka 8-10 manns. Tekið er á móti beiðnum um herbergin í afgreiðslu á 3. hæð, sími 525-5750 og á 4. hæð, sími 525-5770.