Allar almennar upplýsingar um safnið, stjórn þess, sögu og framtíðarsýn.

Safnið býður notendum sínum margvíslega þjónustu sem lýtur að upplýsingaöflun.

Upplýsingar um kynningar á safninu, námskeið í boði og heimildaleit

Í Þjóðarbókhlöðunni er fyrsta flokks aðstaða til náms og rannsókna.

Safnið stendur að fjölda verkefna í samvinnu við innlenda og erlenda aðila.

Þjónusta

Útlán

Millisafnalán

Heimildaleit

Gjaldskrá

Safnfræðsla

Greinaþjónusta

Millisafnalán

Safnið sér um að útvega notendum sínum bækur og tímaritsgreinar frá öðrum háskóla- og rannsóknarbókasöfnum. Bækur eru ekki pantaðar frá Borgarbókasafni eða almenningsbókasöfnum á höfuðborgarsvæðinu. Athugið einnig að bókasafn Alþingis og söfn ráðuneytanna lána bækur eingöngu á lestrarsal þjóðdeildar. Bækur sem eru aðgengilegar á safninu, eru ekki pantaðar í millisafnalán. Notendur panta efni með því að skrá sig inn í Gegni og fylla út eyðublað á Mínum síðum.“ Þar geta notendur líka fylgst með stöðu sinna pantana. Beiðnir eru bindandi og því er ósótt efni ávallt gjaldfært á skírteini notenda. Athugið að þjónustan er aðeins fyrir skráða notendur Landsbókasafns Íslands – Háskólabókasafns. Skírteini eru afgreidd eða endurnýjuð við afgreiðsluborð útlána.

Biðtími og skilafrestur

Biðtími getur verið mjög mismunandi, allt frá nokkrum dögum upp í nokkrar vikur, eftir því hvert efnið er. Bið eftir greinum er almennt tveir dagar en lágmark vika fyrir bækur. Skilafrestur bóka sem fengnar eru erlendis frá er yfirleitt eftir 3-4 vikur. Kennarar og starfsfólk Háskóla Íslands fær greinar sendar í innanhússpósti, en nemendur og aðrir notendur þurfa að sækja greinar í afgreiðsluborð útlána. Bækur þurfa allir að sækja í afgreiðsluborð.

Gjaldskrá millisafnalána

Sekt fyrir bók sem glatast hjá lánþega miðast ávallt við bótakröfu þess safns sem lánaði ritið og er að lágmarki kr. 5.000.

Kostnaður vegna kennslu og rannsókna starfsmanna Háskóla Íslands færist á reikning viðkomandi deildar, stofnunar eða rannsóknaverkefnis og er innheimtur tvisvar á ári. Reikningar til fyrirtækja og stofnana eru sendir út ársfjórðungslega.