Vefhringur Landsbókasafns Íslands - Háskólabókasafns

Allar almennar upplýsingar um safnið, stjórn þess, sögu og framtíðarsýn.

Safnið býður notendum sínum margvíslega þjónustu sem lýtur að upplýsingaöflun.

Upplýsingar um kynningar á safninu, námskeið í boði og heimildaleit

Í Þjóðarbókhlöðunni er fyrsta flokks aðstaða til náms og rannsókna.

Safnið stendur að fjölda verkefna í samvinnu við innlenda og erlenda aðila.

Þjónusta

Útlán

Millisafnalán

Heimildaleit

Safnfræðsla

Gjaldskrá

Greinaþjónusta

Útlán

Safnið er opið öllum, 18 ára og eldri. Þeir sem yngri eru hafa aðgang í fylgd foreldris, umsjónarmanns eða kennara. Lánsrétt hafa þeir sem skráðir eru með lögheimili á Íslandi og íslenska kennitölu. Erlendir ríkisborgarar, sem eru staddir hérlendis tímabundið og vilja nota safnið í rannsóknarskyni, geta sótt um skammtímaskírteini. Umsóknareyðublöð liggja frammi í afgreiðslu útlánadeildar.

Bókasafnsskírteini

Lánþegar fá bókasafnsskírteini gegn framvísun skilríkja með mynd og kennitölu. Árgjaldið er 1200 kr., en glati lánþegi skírteininu á tímabilinu, fær hann nýtt gegn 400 kr. greiðslu. Skírteinið má endurnýja að ári liðnu sé lánþegi skuldlaus við safnið.

Ábyrgð

Lánþegi (og ábyrgðarmaður lánþega) ber fulla ábyrgð á þeim ritum, sem hann fær að láni í safninu. Lán skírteinis til annarra er því á ábyrgð skírteinishafa. Þegar rit eru komin í vanskil leggjast á sektir eftir ákveðnum reglum.

Yfirlit útlána

Á Mínum síðum í Gegni geta notendur endurnýjað lán sín sjálfir, og skoðað skuldastöðu og önnur viðskipti sín við safnið. Til þess að nota Mínar síður þurfa notendur að slá inn í kennitölu og lykilorð sem fylgir bókasafnsskírteini og velja síðan safn (Landsbókasafn) til að fá yfirlit yfir stöðu útlána. Einnig má hafa samband við útlánadeild vegna endurnýjana lána.