Vefhringur Landsbókasafns Íslands - Háskólabókasafns

Allar almennar upplýsingar um safnið, stjórn þess, sögu og framtíðarsýn.

Safnið býður notendum sínum margvíslega þjónustu sem lýtur að upplýsingaöflun.

Upplýsingar um kynningar á safninu, námskeið í boði og heimildaleit

Í Þjóðarbókhlöðunni er fyrsta flokks aðstaða til náms og rannsókna.

Safnið stendur að fjölda verkefna í samvinnu við innlenda og erlenda aðila.

Um safnið

Stefna

Stjórn og skipurit

Lög og samningar

Ársskýrslur

Útgáfa

Saga

Laus störf

Um safnið

Landsbókasafn Íslands - Háskólabókasafn gegnir því tvíþætta hlutverki að vera þjóðbókasafn Íslands og jafnframt bókasafn Háskóla Íslands. Safnið safnar öllum íslenskum gögnum, varðveitir þau, skráir og flokkar. Safnið sinnir þjónustu við kennslu og rannsóknarstarfsemi Háskóla Íslands og heldur uppi bókasafns- og upplýsingaþjónustu í þágu atvinnuvega, stjórnsýslu og rannsókna á Íslandi. Í Þjóðarbókhlöðu býður safnið auk þess upp á vandaða vinnuaðstöðu þar sem veittur er greiður aðgangur að safnkostinum.

Kynningarbæklingur um Landsbókasafn Íslands - Háskólabókasafn (pdf)

Landsbókasafn Íslands - Háskólabókasafn er varðveislusafn sem tekur við gögnum sem gefin eru út á Íslandi til varðveislu samkvæmt lögum um skylduskil til safna. Safnið starfrækir einnig landsskrifstofu fyrir alþjóðlegu bóka- og tímaritanúmerin ISBN og ISSN.

Safnið vinnur ötullega að því að viða að sér gögnum og búa þau í hendur notendum og stendur þar að auki að ýmis konar fræðslu- og menningarstarfsemi. Safnið er þátttakandi í fjölda alþjóðlegra verkefna sem snúast um söfnun, varðveislu og aðgang almennings að gögnum á ýmsum miðlum.

Safnið er til húsa í Þjóðarbókhlöðu, Arngrímsgötu 3, og er opið öllum átján ára og eldri.  Útibú frá safninu er í Lögbergi, byggingu  Háskóla Íslands.

Safnið var opnað 1. desember 1994 eftir sameiningu tveggja safna, Landsbókasafns Íslands og Háskólabókasafns. Þar eru nú geymd um 900 þúsund bindi bóka, tímarita og annarra gagna. Í Þjóðarbókhlöðu er aðgangur að fjölda rafrænna gagna og góð lestrar- og vinnuaðstaða á fjórum hæðum. Starfsmenn eru um 90 talsins.