Allar almennar upplýsingar um safnið, stjórn þess, sögu og framtíðarsýn.

Yfirlit yfir fjölbreyttan safnkost Landsbókasafns Íslands - Háskólabókasafns, útibú og aðföng

Upplýsingar um kynningar á safninu, námskeið í boði og heimildaleit

Safnið býður notendum sínum margvíslega þjónustu sem lýtur að upplýsingaöflun.

Í Þjóðarbókhlöðunni er fyrsta flokks aðstaða til náms og rannsókna.

Safnið rekur tvö útibú í byggingum Háskóla Íslands; í Öskju og Lögbergi

Um safnið

Stefna

Svið og deildir

Stjórn

Lög og samningar

Útgáfa

Saga

Svið og deildir

Þjónustusvið

Þjónustusvið sér um að veita bókasafns- og upplýsingaþjónustu í þágu atvinnuvega, stjórnsýslu, rannsókna og hvers konar lista- og menningamála í landinu. Sérstök áhersla er lögð á þjónustu við Háskóla Íslands. Notendum bókasafnsins er leiðbeint við heimildaleit og öflun efnis og haldið er uppi fjölþættri upplýsingaþjónustu. Þjónustusviði tilheyra upplýsingadeild og útlánadeild.

Upplýsingadeild

Hlutverk upplýsingadeildar er að veita upplýsingaþjónustu í þágu háskólakennslu, vísinda, rannsókna, stjórnsýslu, atvinnuvega og hvers kyns menningarmála í landinu, annast fræðslu og leiðsögn við safngesti varðandi heimildaleit og notkun gagnasafna, annast millisafnalán, tímaritahald, aðgang að rafrænum gögnum og þjónustu við útbú safnsins. 

Útlánadeild

Hlutverk útlánadeildar er að sjá um lánastarfsemi bókasafnsins, að byggja upp ritakost safnsins með megináherslu á þarfir nemenda og starfsmanna Háskóla Íslands, og vísinda og rannsókna í landinu almennt, að tryggja gestum safnsins aðgang að ritakostinum með skráningu rita og skipulagi þeirra á opnu rými og að tryggja gestum safnsins næði og aðstöðu til lestrar og vinnu. 

Varðveislusvið

Varðveislusvið er mikilvægur hlekkur í varðveislu og miðlun á menningararfi þjóðarinnar. Þar eru geymdar ritaðar heimildir um Ísland, Íslendinga og/eða eftir Íslendinga. Á varðveislusviði er heimildum safnað, þær skráðar og búið um þær til varðveislu fyrir komandi kynslóðir. Áhersla er lögð á að framfylgja reglum um umgengni við safnkost ásamt því að veita gestum góða þjónustu. Safnefni er einungis lánað á lestrarsal. Varðveislusviði tilheyra þjóðdeild og handritadeild.

Þjóðdeild

Meginhlutverk þjóðdeildar er að þaulsafna gögnum útgefnum á Íslandi í prentuðu formi eða á öðrum miðlum, skrá þau, búa í hendur notendum og varðveita handa komandi kynslóðum, svo og að afla hliðstæðra gagna sem gefin eru út erlendis og varða Ísland og Íslendinga:

Handritadeild

Meginhlutverk handritadeildar er að varðveita handritasafn Landsbókasafns, safna og taka við handritum til varðveislu, búa sem best um handritakostinn og gera notendum hann aðgengilegan til skoðunar og rannsókna 

Rekstrarsvið

Rekstrarsvið er stoðsvið fyrir kjarnastarfsemi safnsins. Því er ætlað að styðja við starfsemi annarra sviða og veita skjóta og góða þjónustu ásamt ráðgjöf á sviði fjár-, starfsmanna- og tölvumála. Undir rekstrarsvið heyra fjármál, starfsmannamál, skrifstofuhald, upplýsingatækni, almenn tölvuþjónusta, rekstur húss og lóðar, mötuneyti og veitingastofa.