Vefhringur Landsbókasafns Íslands - Háskólabókasafns

Bókmenntir, fræðirit, handbækur og uppsláttarrit sem hægt er að nálgast á safninu

Prentuð og rafræn tímarit sem safnið kaupir í áskrift og stafræn endurgerð íslenskra tímarita

Í handritadeild safnsins eru varðveitt um 15 þúsund handrit frá 13. öld til 20. aldar

Safn hljóðrita og kvikmynda sem hægt er að nálgast á fjórðu hæð Þjóðarbókhlöðu

Kortasafnið inniheldur mikið safn gamalla Íslandskorta og stórt handbókasafn um kortagerð

Allt íslenskt prentað efni, þar á meðal bækur, tímarit, bæklingar, veggspjöld og annað smáprent

Almennur safnkostur

Í safninu og útibúum þess eru um það bil milljón bindi bóka, tímarita og annarra gagna. Mikill meirihluti þeirra er erlent efni. Samskrá bókasafna á Íslandi Gegnir segir til um hvar efnið er að finna í safninu og útibúum þess. Útlánseintök íslenskra og erlendra bóka eru á 4. hæð safnsins. Tímarit eru til notkunar á staðnum, ýmist í tímaritadeild á þriðju hæð eða í lessal á fyrstu hæð.

Íslenskt efni

Eitt af hlutverkum safnsins er safna öllu íslensku efni og varðveita það. Í Íslandssafni á 1. hæð eru flestöll íslensk rit og eru þau eingöngu til notkunar á lestrarsal. Meirihluti íslenskra rita er einnig á 4. hæð og er þar til útláns. Ef rit er í útláni eða ekki til á 4. hæð geta notendur nálgast það í lessal á 1. hæð.

Námsritgerðir

Safnið fær eintak af lokaritgerðum nemenda við Háskóla Íslands til varðveislu. Meirihluti ritgerðanna er geymdur í lokuðu rými á 3. hæð og er einungis til notkunar á staðnum. Óheimilt er að ljósrita úr þeim nema með leyfi höfunda. Ritgerðirnar eru skráðar í Gegni og hægt er að takmarka leit sérstaklega við þær. Nýlegar námsritgerðir nemenda við alla háskóla á Íslandi er að finna á Skemmunni.

Aðföng

Safnið sér um ritakaup fyrir ritakaupasjóð Háskóla Íslands samkvæmt beiðnum kennara. Auk þess tekur Landsbókasafn Íslands - Háskólabókasafn við bókagjöfum sem styrkja bókakost safnsins og eru í samræmi við bókakaupastefnu þess. Á undanförnum árum hafa safninu borist fjöldi stórra bókagjafa sem hafa eflt til muna safnkostinn á einstökum sviðum. Hægt er að senda inn tillögu um ritakaup með því að fylla út þar til gert eyðublað hér á vefnum.