Vefhringur Landsbókasafns Íslands - Háskólabókasafns

Bækur

Bókmenntir, fræðirit, handbækur og uppsláttarrit sem hægt er að nálgast á safninu

Blöð og tímarit

Prentuð og rafræn tímarit sem safnið kaupir í áskrift og stafræn endurgerð íslenskra tímarita

Handrit og bréfasöfn

Í handritadeild safnsins eru varðveitt um 15 þúsund handrit frá 13. öld til 20. aldar

Hljóðrit og kvikmyndir

Safn hljóðrita og kvikmynda sem hægt er að nálgast á fjórðu hæð Þjóðarbókhlöðu

Landakort

Kortasafnið inniheldur mikið safn gamalla Íslandskorta og stórt handbókasafn um kortagerð

Íslandssafn

Allt íslenskt prentað efni, þar á meðal bækur, tímarit, bæklingar, veggspjöld og annað smáprent

Blöð og tímarit

Tímaritaskrá A-Ö - TDNet

Í tímaritaskrá Landsbókasafns Íslands - Háskólabókasafns, Tímaritskrá A-Ö, eru tenglar við um 20 þúsund erlend tímarit í rafrænu formi, þ.e. bæði þau sem eru í landsaðgangi og í séráskrift safnsins, auk fjölda tímarita sem eru gjaldfrjáls á Netinu. Aðgangur að tímaritum í séráskrift safnsins er bundinn við tölvur á háskólanetinu. Í skránni eru enn fremur upplýsingar um flest prentuð tímarit sem eru í áskrift safnsins nú um stundir. Upplýsingar um prentuð tímarit í um 200 bókasöfnum er að finna í Gegni.

» Tímaritaskrá A-Ö

Rafræn tímarit - íslensk

Á vefnum timarit.is eru flest íslensk blöð og tímarit sem gefin voru út á árunum 1773-1920, svo og grænlensk og færeysk, í myndaðri útgáfu og einnig nokkur yngri s.s. Morgunblaðið frá upphafi (1913-2000) Lesbók Morgunblaðsins (1925-2000) og Þjóðviljinn (1936-1992). Sérstök skrá eða listi, Rafræn íslensk blöð og tímarit, tengir við liðlega 250 íslensk blöð og tímarit sem eru opin og gjaldfrjáls á Netinu.

» Tímarit.is

Prentuð tímarit - íslensk og erlend

Um 1100 blöð og tímarit eru keypt til safnsins í prentaðri útgáfu. Sum þeirra eru jafnframt rafræn en eru þá aðeins aðgengileg notendum í tölvum á háskólanetinu. Prentuð íslensk tímarit berast safninu í skylduskilum og eru aðgengileg í Íslandssafni á 1 hæð og á tímaritasvæði á 3. hæð. Gegnir veitir upplýsingar um prentuð tímarit í um 200 íslenskum bókasöfnum og vísar í einstakar greinar sem birst hafa í um 300 íslenskum tímaritum. Blöð og tímarit eru ekki lánuð út.

» Gegnir.is

Sími í afgreiðslu tímarita er 525-5750