Fræðimenn og kennarar
Fræðirit, handbækur, rannsóknir á þjóðdeild og handritadeild og ýmis önnur þjónusta.
Námsmenn
Námsmenn
Landsbókasafn Íslands - Háskólabókasafn er bókasafn Háskóla Íslands og veitir námsmönnum margvíslega þjónustu. Eitt af skilgreindum hlutverkum safnsins að þjónusta háskólanema. Safnið er með sérstakan þjónustusamning við Háskóla Íslands.
Eins og nafnið gefur til kynna er safnið bókasafn Háskóla Íslands, auk þess að vera Landsbókasafn. Nemendur HÍ hafa því ýmsan forgang samkvæmt samningi háskólans og safnsins, svo sem að sérstökum hópvinnuherbergjum. Jafnframt eiga nemendur HÍ rétt á bókasafnsskírteini endurgjaldslaust og helmingsafsláttur er veittur af ýmis konar gjaldskyldri þjónustu, svo sem millisafnalánum, leigu á aðstöðu o.s.frv. (sjá nánar gjaldskrá safnsins).
Útibú í Háskóla Íslands
Safnið rekur útibú í byggingum Háskóla Íslands, Öskju og Lögbergi. Auk þess að bjóða upp á lestraraðstöðu eru þessi útibú búin bókakosti til notkunar á staðnum (sjá nánar um útibú safnsins).
Þjónusta við fjarnema
Þeir sem skráðir eru í fjarnám við Háskóla Íslands hafa sömu réttindi og skyldur við safnið og aðrir nemendur háskólans og leitast er við að veita þeim sambærilega þjónustu. Fjarnemar utan höfuðborgarsvæðisins geta fengið bækur sendar með pósti og greiðir safnið póstburðargjald aðra leiðina. Beiðnir um bókasendingar má senda með tölvupósti á utlan@bok.hi.is eða hafa samband við útlánadeild í síma 525-5681. Nauðsynlegt er að hafa bókasafnsskírteini til þess að fá rit að láni, taka frá rit sem er í láni, panta millisafnalán, endurnýja lán o.fl. Þess vegna er mikilvægt að fjarnemar muni eftir að fá sér bókasafnsskírteini þegar þeir koma á kynningarfund í bókasafninu í upphafi náms.
safnið á facebook
safnið á myspace