Vefhringur 
Fræðimenn og kennarar
Fræðirit, handbækur, rannsóknir á þjóðdeild og handritadeild og ýmis önnur þjónusta.
Útgefendur
Landsbókasafn Íslands – Háskólabókasafn er umboðsaðili fyrir alþjóðleg bóka- og tímaritanúmer (ISBN og ISSN) og veitir þessa þjónustu útgefendum að kostnaðarlausu. Hægt er að sækja um þessi númer með því að fylla út eyðublað (sjá tengla til hægri) og mun landsskrifstofa þá setja sig í samband við viðkomandi.
Móttaka og varðveisla skilaskylds efnis er eitt af mikilvægustu hlutverkum Landsbókasafns og grundvöllurinn að því starfi okkar að halda utanum íslenskan menningararf, gera hann aðgengilegan og varðveita hann fyrir komandi kynslóðir. Skilaskyldan hvílir á útgefendum en prentsmiðjur og aðrir fjölföldunaraðilar annast framkvæmd skilanna, nema þegar rit eru gefin út erlendis, en þá sér útgefandi um að skila.
Safnið tekur þannig við efni frá prentsmiðjum og framleiðendum hljóðrita, geisladiska og myndefnis, auk allra þeirra útgefenda sem gefa út efni fyrir íslenskan markað, hvort sem efnið er framleitt á Íslandi eða annars staðar. Landsbókasafn Íslands – Háskólabókasafn safnar auk þess markvisst efni sem gefið er út á íslenskum vefjum í samræmi við lög um skylduskil.
Rafhlaðan
Rafhlaðan er rafrænt varðveislusafn Landsbókasafns Íslands – Háskólabóksafns. Rafhlaðan varðveitir einkum skylduskilaefni, eins og rafbækur, bókakafla, tímaritsgreinar, skýrslur, Íslandstengt efni úr erlendum ritum, smárit og fleira.
Íslensk útgáfuskrá
Íslensk útgáfuskrá er sérstakur vefur þar sem hægt er að fá tölulegt yfirlit yfir útgáfu á Íslandi, byggt á skráningum í Gegni. Þar er meðal annars hægt að skoða hversu margar bækur voru gefnar út um tiltekið efni á tilteknu árabili. Útgáfuskráin nær yfir útgefið efni á Íslandi; bækur, tónlist, valin tímarit og tölvugögn.
safnið á facebook