Vefhringur Landsbókasafns Íslands - Háskólabókasafns

Fræðirit, handbækur, rannsóknir á þjóðdeild og handritadeild og ýmis önnur þjónusta.

Lesaðstaða, gagnasöfn, heimildaleit og önnur þjónusta við námsmenn.

ISBN-/ISSN-númer, skylduskil og önnur þjónusta við útgefendur.

Fræðsla og kynningar, flokkun, efnisorð og önnur þjónusta við bókasöfn.

Upplýsingar um bókasafnið, viðburðir, myndir, lógó og fleira.

Útgefendur

ISBN-númer

ISSN-númer

Skylduskil

Íslensk útgáfuskrá

ISBN-númer

Alþjóðlegt bóknúmer (International Standard Book Number – ISBN) er staðall frá alþjóðlegu staðlastofnuninni (International Standards Organisation – ISO). Hvert númer er einstakt og er megintilgangur alþjóðlega bóknúmerakerfisins að greina hvert rit sem best frá öðrum. Með samræmdri tölumerkingu rita skapast möguleikar á aukinni notkun tölva, jafnt hjá bókaútgáfum, bóksölum og bókasöfnum.

Landsbókasafn Íslands - Háskólabókasafn rekur umboðsskrifstofu fyrir alþjóðlega bóknúmerakerfið. Úthlutun og upplýsingaþjónusta er veitt útgefendum að kostnaðarlausu. Starfssvið umboðsskrifstofu er að úthluta hverjum útgefanda númeraröð með útgefendatölu hans og einstökum bóknúmerum til þeirra sem gefa út fáa titla eða einungis eina bók. Einnig þarf að fylgjast með því að bóknúmer séu rétt prentuð á bækur. Gerð er skrá yfir íslenska útgefendur sem er hluti af alþjóðlegri skrá, Publishers’ International ISBN Directory.

Blöð og tímarit eru undanþegin ISBN-númeri vegna þess að á þau má setja alþjóðlegt tímaritsnúmer (International Standard Serial Number – ISSN). Landsbókasafn Íslands – Háskólabókasafn rekur einnig umboðsskrifstofu fyrir alþjóðlega tímaritsnúmerakerfið (sjá ISSN).

Upplýsingar um bóknúmer gefur Helga Kristín Gunnarsdóttir ( hkg (hjá) landsbokasafn.is).

Sjá nánar:

• Leiðbeiningar um notkun ISBN-númera (.pdf)
• Umsóknareyðublað