Vefhringur 
Fræðimenn og kennarar
Fræðirit, handbækur, rannsóknir á þjóðdeild og handritadeild og ýmis önnur þjónusta.
Útgefendur
ISSN-númer
Alþjóðlegt tímaritsnúmer (International Standard Serial Number – ISSN), er staðall númer ISO-3297 frá alþjóðlegu staðlastofnuninni. Vegna mjög mikillar útgáfu tímarita í heiminum og vinnslu skráa yfir þau í tölvum var ákveðið að gefa hverjum titli eitt númer sem auðkennir hann.
Úthlutun ISSN númera fyrir íslensk tímarit hófst á áttunda áratugnum og hafa íslenskir útgefendur látið prenta ISSN númer á tímarit a.m.k frá því árið 1980. Árið 1984 hóf Háskólabókasafn, og síðar Landsbókasafn Íslands - Háskólabókasafn, að hafa milligöngu um að útvega alþjóðleg tímaritsnúmer frá alþjóðaskrifstofunni í París sem annaðist skráningu ritanna fyrir okkar hönd. Í lok ársins 2000 var svo undirritaður samningur við ISSN alþjóðaskrifstofuna í París um stofnun landsskrifstofu fyrir alþjóðlega tímaritsnúmerakerfið í Landsbókasafni Íslands - Háskólabókasafni og hóf hún starfsemi árið 2001.
Tímarit hafa verið skilgreind sem rit sem koma út undir sama titli í mörgum hlutum, sem oftast eru tölumerktir á einhvern hátt og útgáfutímabil er óákveðið. Skilgreiningin nær til blaða, tímarita, fréttabréfa, ritraða, ársrita og ársskýrslna. Hún nær einnig til tímarita sem gefin eru út í öðru formi en prentuðu, svo sem rafrænna tímarita á vefnum og á geisladiskum.
Hægt er að fá úthlutað ISSN-númeri fyrir öll blöð, tímarit, ritraðir og árbækur. Æskilegt er að sækja um ISSN-númer fyrir ný tímarit áður en fyrsta tölublað er gefið út. Útgefandi ber ábyrgð á að láta prenta ISSN-númerið rétt á tímaritið bæði með venjulegu letri og í formi strikamerkis.
Upplýsingar um bóknúmer gefur Helga Kristín Gunnarsdóttir ( hkg (hjá) landsbokasafn.is ).
safnið á facebook
safnið á myspace