Vefhringur Landsbókasafns Íslands - Háskólabókasafns

Bókmenntir, fræðirit, handbækur og uppsláttarrit sem hægt er að nálgast á safninu

Prentuð og rafræn tímarit sem safnið kaupir í áskrift og stafræn endurgerð íslenskra tímarita

Í handritadeild safnsins eru varðveitt um 15 þúsund handrit frá 13. öld til 20. aldar

Safn hljóðrita og kvikmynda sem hægt er að nálgast á fjórðu hæð Þjóðarbókhlöðu

Kortasafnið inniheldur mikið safn gamalla Íslandskorta og stórt handbókasafn um kortagerð

Allt íslenskt prentað efni, þar á meðal bækur, tímarit, bæklingar, veggspjöld og annað smáprent

Íslandssafn

Faghópar

Smælki

Kjörgripur mánaðarins

Kjörgripur mánaðarins

26.08.2009

1. september 1930

Talkvikmyndir sýndar í fyrsta sinn á Íslandi

30. október 1909 er sagt frá því í dagblaðinu Ísafold að kvöldið áður hafi verið haldin „reynslusýning“ í nýju kvikmyndahúsi í Reykjavík og var „boðið til fjölda bæjarbúa, svo að Bárubúð var troðfull ... Ein landlagsmynd var sýnd frá Palermó á Sikiley. Af þesskonar myndum ætti kvikmyndaleikhúsin endilega að sýna meira. Það eru einmitt þær,landslagsmyndir erlendar og þjóðháttamyndir, sem mest er í varið og helzt hafa mentunargildi fyrir almenning, er eigi á færi á því að komast nokkurn tíma út fyrir landsteinana. Í hinu nýja kvikmyndahúsi er leikið undir á lúðra.“ (sjá www.timarit.is).

Afþreyingarhlutverk kvikmynda hefur löngum vegið þyngra á vogarskálum en menntunarhlutverk þeirra. Um 1930 voru revíur vinsælar bæði í leikhúsum og í kvikmyndum. Sá merki atburður gerðist á Íslandi 1. september 1930 að í fyrsta sinn voru kvikmyndir með tali sýndar hér á landi en það voru kvikmyndirnar Hollywood-Revyan og The Singing Fool.

Hlusta á Al Jolson syngja „Sonny boy“ úr The Singing Fool:

Í þjóðdeild Landsbókasafnsins er varðveittur fjöldi „bíóprógramma“ frá ýmsum tímum auk fjölda annars konar útgáfuefnis sem flokkað er sem „smælki“. Kjörgripir septembermánaðar eru „bíóprógrömm“ fyrstu talkvikmyndanna sem sýndar voru í kvikmyndahúsum á Íslandi.

Smellið á myndirnar hér fyrir neðan til að skoða pdf-skjölin:

Hollywood-revyan: bæklingur frá Gamla bíói	Sonny boy: bæklingur frá Nýja bíói

<< Fyrri kjörgripir

Prenta

Til baka