Vefhringur 
Fræðimenn og kennarar
Fræðirit, handbækur, rannsóknir á þjóðdeild og handritadeild og ýmis önnur þjónusta.
Fréttir
27.04.2012
8 sumarstörf
Landsbókasafn Íslands – Háskólabókasafn auglýsir 8 sumarstörf í tengslum við átaksverkefni Vinnumálastofnunar 2012. Störfin eru ætluð háskólanemum á milli anna eða atvinnuleitendum á skrá hjá Vinnumálastofnun.
Sækja má um störfin hér.
1. Flokkun á smáprenti og uppröðun á safnefni
Uppröðun og flokkun í smáprentssafni. Í starfinu felast einnig verkefni í geymslu safnsins. Unnið er í Íslandssafni.
Hæfniskröfur: starfsmaður þarf að vera skipulagður, nákvæmur og samviskusamur.
2. Stafrænt bókasafn – íslenskar bækur fyrri alda á netinu
Vinna við stafræna endurgerð (skönnun) á íslenskum bókum frá árunum 1650–1750. Ritin verða aðgengileg á vefslóðinni www.bækur.is. Unnið er á vöktum frá kl. 8-21 alla virka daga, á myndastofu safnsins.
Hæfniskröfur: Starfsmaður þarf að vera vandvirkur, stundvís og geta unnið í hóp.
3. Innköllun tónlistarefnis
Eitt meginhlutverk Landsbókasafns er að safna til hins ýtrasta öllu efni sem gefið er út á Íslandi, og gera þarf átak í að innheimta tónlist. Í starfinu felst einnig flokkun og frágangur á tónlistarefni. Unnið er í tón- og myndsafni.
Hæfniskröfur: Starfsmaður þarf að vera skipulagður og geta unnið sjálfstætt, hafa frumkvæði og áhuga á íslenskri tónlist.
4. Innsláttur prentaðra handritaskráa í gagnagrunn
Innsláttur prentaðra handritaskráa í gagnagrunn. Auk þess til að flokka, skrá og búa um handritagjafir og annað efni. Unnið er í handritasafni.
Hæfniskröfur: Háskólanemar (t.d. í sagnfræði eða bókasafns- og upplýsingafræði), skipulagðir, nákvæmir og hafa góða tölvukunnáttu.
5. Miðstöð munnlegrar sögu
Vinna við frágang og skráningu á gögnum er hafa borist Miðstöð munnlegrar sögu á undanförnum árum.
Hæfniskröfur: Háskólanemar (t.d. í sagnfræði eða þjóðfræði), skipulagðir, nákvæmir og hafa góða tölvukunnáttu.
6. Átak í uppröðun, flutningum og tiltekt á safnefni
Uppröðun, flutningar og tiltekt í kjallara og á almennu lesrými safnsins. Í starfinu felast einnig verkefni í geymslu safnsins í Mjódd og hillumerkingar í Þjóðarbókhlöðu.
Hæfniskröfur: starfsmaður þarf að vera drífandi, skipulagður og samviskusamur.
7. Tölfræði Skemmunnar
Taka saman tölfræði í Skemmunni (skemman.is) varðandi skil lokaritgerða og hlutfall ritgerða í opnum aðgangi skólaárið 2011-2012. Starfsmaðurinn semur skýrslu þar sem tölfræðin er borin saman við tölfræði skólaársins 2010-2011.
Hæfniskröfur: að lágmarki 1 árs háskólanám, reynsla af tölfræðiúrvinnslu, mjög góð kunnátta í Excel.
8. Vefur um opinn aðgang
Aðstoða við uppfærslu á vef safnsins um opinn aðgang (openaccess.is).
Hæfniskröfur: að lágmarki 1 árs háskólanám, þekking á vefumsjónarkerfum er nauðsynleg, t.d. CMS Made Simple.
safnið á facebook