Fræðirit, handbækur, rannsóknir á þjóðdeild og handritadeild og ýmis önnur þjónusta.

Lesaðstaða, gagnasöfn, heimildaleit og önnur þjónusta við námsmenn.

ISBN-/ISSN-númer, skylduskil og önnur þjónusta við útgefendur.

Fræðsla og kynningar, flokkun, efnisorð og önnur þjónusta við bókasöfn.

Upplýsingar um bókasafnið, viðburðir, myndir, lógó og fleira.

Sýningar

11.02.2009

Eitt lag enn og ólympíuleikarnir í Peking

Sýning á völdum hljóðritum úr tón- og myndsafni og Ólympíuleikarnir í Peking

Tvær sýningar eru nú á ganginum í Þjóðarbókhlöðunni.

Önnur þeirra fjallar um íslenska tónlist og má þar sjá dansleikja-, tónleika- og plötuauglýsingar íslenskra hljómsveita og tónlistarmanna frá fyrri hluta 20. aldar til dagsins í dag, meðal annars veggspjöld frá blómatíma hljómsveitanna Dáta, Flowers og Hljóma, en einnig auglýsingar yngra tónlistarfólks eins og Bjarkar, Páls Óskars og Emilíönu Torrini. Einnig eru til sýnis íslensk plötu- og geisladiskaalbúm frá rúmlega hálfrar aldar tímabili og er fróðlegt að sjá hvernig tíðarandi og tíska birtist í þeim. Þar sem Söngvakeppni evrópskra sjónvarpsstöðva er nú framundan er einnig sýning á hljóðritum með framlagi Íslendinga til keppninnar.

Sýningin er öðrum þræði kynning á tón- og myndsafni Landsbókasafnsins en útgefendum tónlistar ber að skila eintökum af útgefnu efni til varðveislu í safnið.

Ljósmyndir frá Ólympíuleikunum í Peking

Á hinni sýningunni sem nú hefur verið opnuð á ganginum eru ljósmyndir frá Ólympíuleikunum í Peking árið 2008. Á myndunum má sjá margar af helstu íþróttastjörnum Ólympíuleikanna spreyta sig auk þess sem umfangi og umgjörð leikanna eru gerð góð skil í fallegum og litríkum ljósmyndum.

Allir eru velkomnir á sýningar í Þjóðarbókhlöðunni og aðgangur er ókeypis.

Prenta

Til baka