Varðveislusvið varðveitir ritaðar heimildir um Ísland, Íslendinga og/eða eftir Íslendinga.

Bókasafns- og upplýsingaþjónusta í þágu atvinnu- vega, stjórnsýslu, rannsókna og menningamála.

Safnið stendur að fjölda verkefna í samstarfi við innlenda og erlenda aðila.

Vefur varðveislusviðs

Fréttir

Kjörgripur mánaðarins

Þjóðdeild

Handritadeild

Handritaskrár

Varðveislusvið er mikilvægur hlekkur í varðveislu og miðlun á menningararfi þjóðarinnar. Þar eru geymdar ritaðar heimildir um Ísland, Íslendinga og/eða eftir Íslendinga.Á varðveislusviði er heimildum safnað, þær skráðar og búið um þær til varðveislu fyrir komandi kynslóðir. Áhersla er lögð á að framfylgja reglum um umgengni við safnkost ásamt því að veita gestum góða þjónustu. Safnefni er einungis lánað á lestrarsal. Sviðsstjóri er Kristín Bragadóttir, bókasafnsfræðingur.

Reglur um ljósmyndun gagna varðveislusviðs Landsbókasafns Íslands - Háskólabókasafns

Gestum safnsins er heimilt að ljósmynda gögn varðveislusviðs að uppfylltum eftirfarandi skilyrðum:

• að starfsmenn varðveislusviðs telji að ljósmyndunin muni ekki skaða viðkomandi gögn
• að ljósmyndunin eigi sér stað undir eftirliti starfsmanns varðveislusviðs og fari fram á þar til gerðu vinnuborði
• að ekki sé notað leifturljós (flash) við ljósmyndunina
• að hagnýting gesta á ljósmyndunum sínum sé alfarið á ábyrgð þeirra og samrýmist höfundarréttarlögum

Athugið að notkun skanna er ekki leyfð.