Vefhringur 
Undirvefir
Þjóðdeild
Í þjóðdeild er þaulsafnað gögnum útgefnum á Íslandi í prentuðu formi eða á öðrum miðlum svo og hliðstæðu efni sem gefið er út erlendis og varðar Ísland og Íslendinga. Gögnin eru skráð, búin í hendur notendum og varðveitt handa komandi kynslóðum.
Hlutverk þjóðdeildar
Þjóðdeild nýtur skylduskila samkvæmt lögum um skylduskil og eru skylduskilaeintök meginuppistaða ritakosts deildarinnar. Skráning, lyklun og flokkun íslensks efnis fer fram innan hennar. Safngestum sem þurfa að nota ritakostinn stendur til boða góð vinnuaðstaða og þjónusta bókavarða. Í deildinni er unnið að því að tryggja sem best viðhald og varðveislu safnkostsins. Í því skyni er m.a. starfrækt bókbandsstofa, viðgerðastofa og myndastofa. Varaeintakasafn þjóðdeildar er staðsett í Reykholti. Innan þjóðdeildar eru líka allmörg sérsöfn, þ. á m. tón- og myndsafn og kortasafn. Starfsmenn halda uppi rannsóknum á sviði íslenskrar bókfræði og bóksögu og veita upplýsingar um íslenska bókaútgáfu. Þjóðdeild stuðlar að fræðslu- og menningarstarfsemi, m. a. með fyrirlestrahaldi og sýningum, ein eða í samvinnu við aðra.
Þjónusta
Hægt er að nálgast safn þjóðdeildar í lessal á 1. hæð safnsins. Þar er góð vinnuaðstaða með aðgangi að helstu handbókum og fræðiritum sem tengjast efninu.
safnið á facebook
safnið á myspace