Bókasöfn Háskóla Íslands

Landsbókasafn Íslands - Háskólabókasafn 

Landsbókasafn Íslands - Háskólabókasafn í Þjóðarbókhlöðu er bókasafn Háskóla Íslands samkvæmt samstarfssamningi við háskólann. Nemendur HÍ hafa forgang að fjölbreyttri þjónustu. Bókasafnsskírteini eru endurgjaldslaus og nemendur HÍ fá helmingsafslátt af ýmis konar gjaldskyldri þjónustu.

Lagabókasafn í Lögbergi 

Á 3. hæð í Lögbergi er bókasafn fyrir lagadeild Háskóla Íslands, sími: 525 4372

Afgreiðslutími   fyrir hádegi     eftir hádegi    
Mánudaga 10:00-12:30   13:00-16:00
Þriðjudaga 10:00-12:30 13:00-16:00
Miðvikudaga Lokað 13:00-16:00
Fimmtudaga 10:00-12:30    13:00-16:00
Föstudaga 10:00-12:30 Lokað

Safngögn eru einungis lánuð út til starfsmanna og nemenda lagadeildar Háskóla Íslands. Allir nemendur lagadeildar geta fengið bækur að láni í allt að 3 daga. Kennarar deildarinnar og meistara- og grunnnemar sem vinna að lokaritgerð í lögfræði við HÍ geta fengið bækur að láni í 30 daga.

Heilbrigðisvísindabókasafn LSH og HÍ

Markmið Heilbrigðisvísindabókasafns LSH og HÍ er að veita starfsmönnum LSH sem og nemendum og kennurum við Heilbrigðisvísindasvið HÍ aðgang að þeim vísindalegu og klínísku upplýsingum og þekkingu sem þeir þurfa í námi og starfi. Í því skyni býður Heilbrigðisvísindabókasafnið aðgang að og aðstoð við notkun helstu gagnasafna og tímarita á sviði heilbrigðisvísinda og er nánast alfarið rafrænt bókasafn.

Heilbrigðisvísindabókasafn LSH og HÍ er á 2. hæð á Rauðárárstíg 10, sími: 543 1450, netfang: bokasafn@landspitali.is, sjá vef

Afgreiðslutími: mánudaga til föstudaga kl. 08:00 - 16:00

Bókasafn Menntavísindasviðs Háskóla Íslands

Bókasafn Menntavísindasviðs Háskóla Íslands er einkum ætlað nemendum og starfsmönnum skólans en er jafnframt opið öðrum sem sérfræðisafn á sviði kennslu, uppeldis, umönnunar og þjálfunar.

Safnið er á jarðhæð í Hamri við Stakkahlíð, sími: 525 5930, netfang: menntavisindasafn@hi.is, sjá vef

Afgreiðslutími: 
Vetur: mánudaga til fimmtudaga kl. 08:00-18:00, föstudaga kl. 08:00-16:00
Sumar: mánudaga til föstudaga kl. 09:00-16:00