Fréttir

Safnahús á safnanótt

02.02.2018

Landsbókasafnið tekur þátt í safnanótt með því að Gunnar Marel Hinriksson sérfræðingur á handritasafni segir frá Íslandskortum Guðbrands biskups og galdrahandritum í Safnahúsinu í kvöld, 2. febrúar, á milli kl. 20 og 21. Auk Gunnars verða þar aðrir sérfræðingar frá söfnunum sem eiga verk á sýningunni Sjónarhorn – ferðalag um íslenskan myndheim í Safnahúsinu. Frá Stofnun Árna Magnússonar í íslenskum fræðum verður Gísli Sigurðsson rannsóknarprófessor til viðræðu um þann kjörgrip sem nú er í öndvegi. Jóhanna Guðmundsdóttir, skjalavörður á Þjóðskjalasafni, spjallar við gesti um efni sérsýningarinnar Spegill samtímans 1770, um bréf landsmanna til landsnefndar. Viðar Hreinsson, rithöfundur og náttúrurýnir mætir f. h. Náttúruminjasafns og spjallar um listina, náttúruna og vísindin og samspilið þar á milli, með áherslu á Jón lærða Guðmundsson. 
Frá Þjóðminjasafni kemur Ágúst Ó. Georgsson og talar um myndablað sem sýnir helstu störf fólks til sveita á síðari hluta 19. aldar.

Sjá upplýsingar um viðburð.

➜ Fréttasafn