Sýningar

Handverk og hefðir – japönsk nytjalist

Sýning í Þjóðarbókhlöðu
6. september – 5. október 2008

Laugardaginn 6. september n.k. verður opnuð í Þjóðarbókhlöðu sýning á japanskri nytjalist. Munirnir eru gerðir úr hefðbundnum japönskum efnivið með hefðbundinni japanskri tækni sem hefur þróast öldum saman í öllum héruðum Japans.

Í kjölfar iðnbyltingarinnar á Vesturlöndum tóku Japanir upp nútímalega framleiðsluhætti á Meiji-tímabilinu (1868-1912) og fóru að fjöldaframleiða með vélum nytjahluti sem handverksmenn unnu áður. Handverkið dó þó ekki út því að ýmsir listiðnaðarmenn víðs vegar um Japan héldu verkkunnáttunni lifandi. Á verkstæðum þeirra hefur handverkið vaxið og dafnað og meðal margra afbragðs handverksmanna eru listamenn sem skapa einstaka muni.

Á sýningunni er fjöldi handverks- og listmuna sem gerðir eru af samtíma listafólki en efniviður og tækni eiga uppruna sinn í loftslagi og landslagi á mismunandi stöðum í Japan.

Japanska sendiráðið á Íslandi og Japan Foundation standa fyrir sýningunni í samvinnu við Landsbókasafn Íslands – Háskólabókasafn

Myndir af sýningunni:







➜ Eldri sýningar