Fréttir

Frásagnir minninganna með Þórarni Eldjárn

Listir og menning sem meðferð við Alzheimers sjúkdómnum

Fimmtudaginn 19. september 2013, kl 15-17 verður kynnt bókin Frásagnir minninganna með Þórarni Eldjárn og opnuð samnefnd sýning sem gefur yfirlit yfir afrakstur fyrstu smiðjunnar á Íslandi innan verkefnisins Listir og menning sem meðferð við Alzheimers sjúkdómnum. Sú rannsókn beinist að meðferð við Alzheimers sjúkdómnum án lyfja og er upprunnin frá Minnismóttöku Virgen de la Arrixaca sjúkrahússins í Murcia á Spáni.

Smiðjan með Þórarni Eldjárn var skipulögð af Félagi áhugafólks og aðstandenda Alzheimers sjúklinga og annarra skyldra sjúkdóma (FAAS) og Minnismóttöku Landakots. Smiðjan átti sér stað á sal Landsbókasafnsins og naut samstarfs Þórarins Eldjárns og 14 nemenda úr teiknideild Myndlistarskólans í Reykjavík. Meðal markmiða þessa samstarfs var að opna umræðuna um Alzheimers sjúkdóminn og athuga hvernig frásagnir minninganna gætu sameinast vísindalegum rannsóknum og eigindlegu mati á Alzheimers sjúkdómnum sem og gert mat á mikilvægi tilfinningakerfis manneskjunnar sem þjáist af sjúkdómnum.

Frekari upplýsingar: http://frasagnirminninganna.blogspot.com.es og http://artandcultureastherapy.blogspot.com.es

➜ Fréttasafn