Sýningar

Frá hjara veraldar

– sýning um Melittu Urbancic

Laugardaginn 8. mars 2014 var opnuð sýning í Þjóðarbókhlöðunni um skáldkonuna, myndhöggvarann og leikkonuna Melittu Urbancic (1902-1984). Málþing um ævi og verk Melittu var við opnun sýningarinnar. Sama dag kom út ljóðabók Melittu, Frá hjara veraldar / Vom Rand der Welt, í tvímála útgáfu hjá Stofnun Vigdísar Finnbogadóttur og Háskólaútgáfunni. Þýðandi ljóðanna á íslensku er Sölvi Björn Sigurðsson en eftirmála ritar Gauti Kristmannsson. Ljóðin orti Melitta á árunum 1939–1943 um reynslu sína sem útlagi á Íslandi, en ljóðin koma nú út í fyrsta sinn. Að verkefninu standa Stofnun Vigdísar Finnbogadóttur í erlendum tungumálum, Landsbókasafn Íslands og Reykjavík Bókmenntaborg UNESCO í samvinnu við afkomendur Melittu. Austurríska sendiráðið í Kaupmannahöfn styrkir sýninguna.


Melitta Urbancic með bók, um 1930.


Melitta og Victor Urbancic, um 1930.


Melitta Urbancic. Ljósmynd/Foto Trude Fleischmann.

Sýningarskrá

➜ Eldri sýningar