Veitingasala

Veitingastofa er á 2. hæð í Þjóðarbókhlöðu og rúmar hún um hundrað manns. Í veitingastofunni er fjölbreytt úrval veitinga. Í boði er ýmis þjónusta svo sem kaffi eða hádegisverður á fundarstað, síðdegisboð og/eða matarveisla í fundarlok.

Matseðill

Mánudagur Papríku og tómat súpa.
890.- Núðlur með sesam kjúkling, eggjum og grillaðri papríku.
1390.-
Þriðjudagur Gulrótar kúmen súpa.
890.- Fiskbollur í brúnni sósu, karrý-blómkál og kartöflur.
1750.-
Miðvikudagur Marokkósk kartöflu og gulrótar súpa.
890.- Bjúgu með uppstúf, rauðkáli, baunum og kartöflum.
1390.-
Fimmtudagur Lemmongras súpa.
890.- Lax með steiktum möndlukartöflum, aspas og hvítvíns-humar sósu.
2650.-
Föstudagur Graskers súpa.
890.- Kjúklingur, franskar, hrásalat og kokteilsósa.
1390.-

 

Veitingastofa Landsbókasafns leitast við að vinna allt hráefni á staðnum. Brauð er bakað daglega úr hágæðahráefni. Hveiti, spelt og haframjöl er uppistaða brauðsins. Ferskt ger er notað og engin sykur er í brauðinu. Súpurnar eru að uppistöðu mauksúpur og lagaðar úr fersku grænmeti. Engin kjöt-, fisk- eða mjólkurafurð er notuð í súpurnar.

Samlokur eru smurðar nær daglega og í þeim er eingöngu notast við ferst og gott hráefni. Nærri allar kökur eru bakaðar á staðnum og er notast við gamlar íslenskar uppskriftir í grunninn.

Allur fiskur og kjöt kemur í hús ferskt og mikið eftirlit er með kjötvöru, áleggi og fiski til að tryggja að um úrvalshráefni sé að ræða. Boðið er upp á rétt dagsins alla virka daga, ýmist kjöt-, grænmetis- eða fiskrétt.

Ægir Finnbogason sér um rekstur Veitingastofunnar sem og mötuneyti starfsfólks. Hann er matreiðslumeistari að mennt og hefur meðal annars starfað á Jónatan Livingston mávi, REX og Hótel Holti.

Nánari upplýsingar veitir Ægir Finnbogason matreiðslumeistari, aegirf (hjá) landsbokasafn.is, sími: 5255660.