Um þessar mundir eru liðin 60 ár síðan Troels Bendtsen, Björn Björnsson og Þórir Baldursson hófu feril sinn sem Savanna tríó. Þeir störfuðu aðeins í fimm ár en sungu sig inn í hjörtu þjóðarinnar í sjónvarpi, á mörgum hljómplötum og ótal samkomum, innanlands og utan.  Í tilefni af þessum tímamótum afhentu þeir Tónlistarsafni Íslands í Landsbókasafni minnisbækur sínar, nótur, langspil, fjöl og bréfa- og myndasafn sem er nú á sýningu í anddyri safnsins. Á sýningunni má blaða í úrklippubókum tríósins og hlusta á hljóðdæmi.

Sýningarskrá