Njáll Sigurðsson hafði frumkvæði að þessari sýningu í tilefni af aldarafmæli hljóðritunar á Íslandi sem opnuð var í Þjóðarbókhlöðu 25. september 2004. Auk Landsbókasafns Íslands - Háskólabókasafns komu að sýningunni Menntamálaráðuneytið, Ríkisútvarpið, Samband flytjenda og hljómplötuframleiðenda, Stofnun Árna Magnússonar, Sögumiðlun ehf, Þjóðminjasafn Íslands og Þjóðskjalasafn Íslands ásamt Minjasafninu á Akureyri og Amtsbókasafninu. Anna Jensdóttir, Njáll Sigurðsson og Markús Örn Antonsson fluttu erindi við opnun og voru leikin hljóðdæmi frá fyrstu tíð hljóðritunar á Íslandi. Ólafur J. Engilbertsson hannaði sýninguna, sem var einnig sett upp í RÚV og Amtsbókasafninu á Akureyri, og bækling sem gefinn var út af þessu tilefni. 

Sýningarskrá

Sýningarspjöld