Alþjóðleg vika opins aðgangs fer fram dagana 20.–26. október og ber yfirskriftina „Hver á þekkinguna?“ (e. Who Owns Our Knowledge?). Áhersla er lögð á eignarhald og aðgengi að þekkingu í nútímasamfélagi og hvernig samfélagið getur unnið saman að því að efla opinn aðgang að rannsóknarniðurstöðum.

Í tilefni vikunnar býður Landsbókasafn Íslands – Háskólabókasafn og samstarfsaðilar upp á fjölbreytta hlaðvarpsdagskrá þar sem fjallað er um opinn aðgang út frá mismunandi sjónarhornum:

• Að deila sköpun – opinn aðgangur og listrannsóknir: Um höfundarétt, eignarhald, gervigreind og rannsóknir í listum.
• Demanta opinn aðgangur á Norðurlöndum: Um samstarf Norðurlandanna við að styðja sjálfbæra, óhagnaðardrifna útgáfu.
• Næsta kynslóð rannsóknainnviða: Um Scite.ai, sönnunardrifna nálgun og gagnrýna hugsun í námi.
• Open Access Publishing – Human Right vs. Monetised Commodity: Um þróun vísindaútgáfu og þekkingu sem mannréttindi.

Einnig stendur til boða rafræn málstofa um gagnahirðingu í norrænu samhengi miðvikudaginn 22. október kl. 12–14 sem Gagnís stendur fyrir ásamt Nordic Data Stewardship Network

Hlaðvarpsþættir og viðburðir verða aðgengilegir frá 20. október á openaccess.is.