Í gær voru liðin hundrað og þrjátíu ár frá fæðingu Páls Eggerts Ólasonar en hann mótar sýn okkar á fortíðina enn þann dag í dag; Páll Eggert tók m.a. saman Íslenskar æviskrár og Handritaskrá Landsbókasafns Íslands auk þess sem hann ritaði ævisögu Jóns Sigurðssonar í fimm bindum. Bragi Þorgrímur Ólafsson fagstjóri handritasafns Landsbókasafns Íslands segir frá Páli Eggerti og störfum hans í Víðsjá í dag.