Í Þjóðarbókhlöðunni er fyrsta flokks aðstaða til náms og rannsókna og greiður aðgangur að safnkosti, bæði rafrænum og á prenti. Starfsemi safnsins er á fjórum hæðum. Hér eru upplýsingar um starfsemi, aðstöðu og safnkost á hverri hæð.
1. hæð
Á fyrstu hæð eru Íslandssafn, Handritasafn, Kvennasögusafn og lessalur
2. hæð
Á annarri hæð eru þjónustuborð, útlána- og upplýsingaþjónusta og vinnuaðstaða fyrir hópa.
3. hæð
Á þriðju hæð eru tímarit, námsbókasafn, lokaverkefni, afgreiðsla ritvers HÍ og rými til að vinna í næði.
4. hæð
Á fjórðu hæð eru Hljóð- og myndsafn, Tónlistarsafn, Leikminjasafn og Miðstöð munnlegrar sögu. Þar má finna tónlist og kvikmyndir, auk rýmis til að vinna í næði.
Veitingarými
Veitingarými er á 2. hæð í Þjóðarbókhlöðu. Á svæðinu eru sæti fyrir 65 manns.
Fyrirlestrasalur
Í salnum eru tæki og aðstaða til að halda fyrirlestra og samkomur og þar eru 80 sæti. Upplýsingar um leiguverð eru í gjaldskrá safnsins.
Hópvinnuherbergi
Á bókunarvef safnsins er hægt að bóka hópvinnuherbergi á 3. og 4. hæð Þjóðarbókhlöðu sem taka 6-10 í sæti.
Lesherbergi
Á 3. og 4. hæð eru 26 lesherbergi sem fyrst og fremst eru ætluð fræðimönnum, nemendum í framhaldsnámi á háskólastigi og öðrum sem vinna að ákveðnum verkefnum og þurfa að nota rit safnsins í því skyni
Geymsluskápar
Samtals eru um 150 geymsluskápar til afnota fyrir gesti til að geyma í vinnugögn sín. Lyklar eru afhentir við útlánaborð á 2. hæð gegn framvísun bókasafnsskírteinis og greiðslu tryggingargjalds.
Vinnuaðstaða
Í Þjóðarbókhlöðunni er fyrsta flokks vinnuaðstaða. Reynt er að koma til móts við mismunandi þarfir námsmanna með fjölbreyttri vinnuaðstöðu
Húsreglur
Reglur um aðstöðu, umgengni og öryggi í Þjóðarbókhlöðu. Á 2. hæð eru lágvær samtöl leyfð en á 1., 3. og 4. hæð ríkir algjört næði og þögn.
Rafræn vöktun
Húsnæði og lóðir safnsins eru vöktuð með eftirlitsmyndavélum til að tryggja öryggi gesta, starfsfólks og safnkosts. Myndefni er geymt í 30 daga og þau sem sjást á því eiga rétt á að skoða það.