Í tilefni af því að þann 28. september var öld liðin frá láti Þorvalds Thoroddsen var opnuð sýning um Þorvald og lífsstarf hans í Þjóðarbókhlöðu.
Að sýningunni standa Náttúruminjasafn Íslands, Hið íslenska náttúrufræðifélag og
Landsbókasafn Íslands – Háskólabókasafn í samstarfi við Náttúrufræðistofnun Íslands, Veðurstofu Íslands, Hið íslenska bókmenntafélag, Jarðfræðafélag Íslands, Líffræðifélag Íslands, Jöklarannsóknafélag Íslands og Vísindafélag Íslands.
Á sýningunni eru munir og ljósmyndir í eigu Þjóðminjasafns Íslands, heiðurspeningar sem eru varðveittir hjá Seðlabanka Íslands, brjóstmynd og jarðfræðikort í eigu Náttúrufræðistofnunar Íslands
og bækur frá Landsbókasafni Íslands – Háskólabókasafni.
Sýningin stendur til 18. mars 2022.