5. desember kl. 13-15 i Þjóðarbókhlöðu
Jólafundur Kvennasögusafns og Kvenréttindafélags Íslands er helgaður minningu Önnu Sigurðardóttur og félagsskapnum Úurnar.
Kvennasögusafn Íslands fagnar á þessu ári 40 ára afmæli sínu, en það var stofnað af Önnu Sigurðardóttur sem var öflug í starfi Kvenréttindafélagsins til margra ára. Á 7. áratugnum hvatti Anna ungar stúlkur til að stofna félagsskap ungra kvenna, sem nefndu sig Úurnar, og þær létu til sín taka í jafnréttisumræðunni undir lok 7. áratugarins og við upphaf hins áttunda.
Dagskrá
1. Svava Bernharðsdóttir víóluleikari og Kristín Valsdóttir harmonikuleikari taka á móti gestum til hliðar við breiðan inngang inn í salinn
2. Auður Styrkársdóttir forstöðumaður Kvennasögusafns Íslands setur dagskrá
3. Þórunn María Örnólfsdóttir sagnfræðingur segir frá ævi Önnu Sigurðardóttur og veltir fyrir sér hvað mótaði hana sem kvenréttindakonu
- Ásdís Skúladóttir leikstjóri, Gullveig Sæmundsdóttir blaðamaður og Silja Aðalsteinsdóttir bókmenntafræðingur segja frá Úunum
- Brynhildur Heiðar- og Ómarsdóttir framkvæmdastýra Kvenréttindafélags Íslands slítur fundi
Verið öll hjartanlega velkomin!
Um Úurnar má lesa hér: http://kvennasogusafn.is/index.php?page=uur