Athygli er vakin á lestrarhvatningu Miðstöðvar íslenskra bókmennta „Bókaðu stund fyrir bók“

Markmiðið er að auka bóklestur fullorðinna um land allt og hvetja sem flesta til að upplifa og njóta þess sem lesturinn færir hverjum og einum.

Á vefnum bokastund.is má finna skemmtilegar hugmyndir að því hvernig megi bæta bóklestri inn í daglegt líf, stofna bókaklúbba og setja sér markmið í lestri.

Lestrarhestar eru hvattir til að lesa enn meira en áður. Þau sem lesa lítið eða ekki neitt, eru hvött til að hefja lesturinn.

Landsbókasafn Íslands – Háskólabókasafn fagnar framtaki Miðstöðvar íslenskra bókmennta og hvetur alla til að gefa sér tíma til lesturs og bóka stund með bók.