Í síðustu viku lauk tveggja vikna alþjóðlegum sumarskóla í handritafræðum. Skólinn er samstarfsverkefni Árnastofnunar, Háskóla Íslands, Landsbókasafns Íslands–Háskólabókasafns og Kaupmannahafnarháskóla (Árnasafns). Þetta var í nítjánda sinn sem skólinn var haldinn. Nú í ár fór kennslan fram í Eddu, Veröld–Húsi Vigdísar og í Þjóðarbókhlöðunni, en hann er haldinn til skiptis í Reykjavík og Kaupmannahöfn. Fjallað var um hinar ýmsu hliðar handritafræða og fengu nemendur að skoða handrit frá Árnastofnun og handritasafni Landsbókasafns Íslands – Háskólabókasafns. Alls tóku 54 nemendur frá 17 löndum þátt í skólanum og 21 kennari.

Mynd: Sigurður Stefán Jónsson