Ritakostur Landsbókasafns Íslands – Háskólabókasafns telur um milljón eintök af ýmsu tagi. Ritum safnsins er raðað eftir Dewey-flokkunarkerfinu. Þau eru jafnframt skráð í samskrá íslenskra bókasafna sem er að finna á leitir.is.
Bækur til útláns eru aðgengilegar á 3. og 4. hæð í Þjóðarbókhlöðunni en bækur til útláns eru einnig í geymslum safnsins og sjá starfsmenn um afgreiðslu þeirra. Í Íslandssafni á 1. hæð eru varðveittar íslenskar bækur sem eingöngu eru aðgengilegar á lessal Íslandssafns. Handbækur eru aðgengilegar til notkunar á 2. hæð en þær eru ekki lánaðar út.
Leitir
Safnkostur Lbs-Hbs
Bækur.is
Stafrænar endurgerðir bóka
Íslensk bókaskrá
Allar íslenskar bækur til 1844
Íslensk útgáfuskrá
Efni útgefið á Íslandi frá árinu 1999
Sérsöfn
Sérsöfn eru hluti Íslandssafns. Þau hafa flest verið gefin Landsbókasafni og Háskólabókasafni af einstaklingum og stofnunum með þeim skilyrðum að þeim yrði haldið saman. Söfnin eru oft gefin til minningar um fyrri eigendur og er ætlað að efla rannsóknir á sínum sviðum.
Íslandssafn
Íslandssafn miðlar menningararfi þjóðarinnar með því að safna prentuðu efni útgefnu á Íslandi, varðveita það og veita aðgang að því. Samkvæmt prentskilalögum skal skila eintökum af öllu prentuðu efni til safnsins.
Handbækur
Handbækur á prenti eru aðgengilegar í vinnu- og lesrýmum í Þjóðarbókhlöðunni og í Lögbergi. Jafnframt á safnið úrval handbóka á rafrænu formi.
Rafbækur
Mikill fjöldi rafbóka er aðgengilegur gegnum vefsíðu Landsbókasafns Íslands – Háskólabókasafns. Bækurnar eru ýmist í landsaðgangi, séráskriftum Háskóla Íslands eða safnsins en einnig bækur í opnum aðgangi.
Islandica Extranea
Samkvæmt lögum um Landsbókasafn Íslands – Háskólabókasafn (nr. 142/2011) er safninu skylt að safna bókum/efni sem tengist Íslandi og er gefið út í öðrum löndum. Sú útgáfa kallast Islandica extranea. Safnið aflar þessa efnis með kaupum og gjöfum.
Gjafir
Landsbókasafn Íslands – Háskólabókasafn tekur við gjöfum sem styrkja safnkostinn og eru í samræmi við aðfangastefnu þess. Þeir sem vilja færa safninu gjafir þurfa, áður en til þess kemur, að hafa samband við tengiliði safnsins.
Ritakaup
Óskir og tillögur um ritakaup. Nemendur, fræðimenn og aðrir notendur safnsins geta komið með uppástungur um ritakaup.
Millisafnalán
Safnið útvegar notendum sínum bækur og tímaritsgreinar frá öðrum háskóla- og rannsóknarbókasöfnum. Bækur eru ekki pantaðar frá Borgarbókasafni eða almenningsbókasöfnum á höfuðborgarsvæðinu.
ISBN númer
Alþjóðlegt bóknúmer (International Standard Book Number – ISBN) er staðall frá alþjóðlegu staðlastofnuninni (International Standards Organisation – ISO). Hvert númer er einstakt og er megintilgangur alþjóðlega bóknúmerakerfisins að greina hvert rit sem best frá öðrum.
Nýjar bækur
Listi yfir nýjar bækur í Landsbókasafni Íslands Háskólabókasafni