Nú stendur yfir fyrirlestraröð í Þjóðarbókhlöðu sem Landsbókasafn Íslands – Háskólabókasafn stendur að ásamt Kínverska sendiráðinu, Konfúsíusarstofnuninni Norðurljósum og Kínversk íslenska menningarfélaginu um samskipti Íslands og Kína. Fyrirlestraröðin verður í hádeginu næstu þriðjudaga og tengist sýningu í Þjóðarbókhlöðu, sjá: https://landsbokasafn.is/index.php/news/977/56/KiNA-OG-iSLAND-samskipti-vinathjoda
Dagskrá fyrirlestraraðarinnar er sem hér segir:
17. janúar kl. 12-13: Egill Helgason fjölmiðlamaður kynnti „14 ár í Kína – Mynd um Ólaf Ólafsson kristniboða“ sem Guðbergur Davíðsson gerði ásamt Agli.
24. janúar kl. 12-13: Qi Huimin kínverskur forstöðumaður Konfúsíusarstofnunarinnar Norðurljósa fjallaði um eitt elsta varðveitta form kínversku óperunnar, Kunqu. Erindið var flutt á ensku.
31. janúar kl. 12-13: Hjálmar W. Hannesson fyrsti sendiherra Íslands með aðsetur í Kína segir frá starfsemi sendiráðsins 1995-1998.
7. febrúar kl. 12-13: Ólafur Egilsson sendiherra í Beijing 1998-2002 flytur erindi um „Tengsl Íslands og Kína í gegnum tíðina“
14. febrúar kl. 12-13: Arnþór Helgason formaður Kínversk íslenska menningarfélagsins og vináttusendiherra sagði frá starfsemi KÍM.
28. febrúar kl. 12-13: Magnús Björnsson forstöðumaður Konfúsíusarstofnunarinnar Norðurljósa sagði frá starfi stofnunarinnar.
7. mars kl. 12-13: Unnur Guðjónsdóttir flytur erindi um „Kína, land í breytingu“.
14. mars kl. 12-13: Oddný Sen kvikmyndafræðingur og rithöfundur segir frá ömmu sinni og nöfnu, Oddnýju Erlendsdóttur Sen, sem dvaldi í Kína á 3. áratug síðustu aldar og skrifaði bók um Kína. Oddný skrifaði svo aðra bók um ömmu sína og dvöl hennar í Kína.
28. mars kl. 12-13: Zhang Weidong sendiherra Kína á Íslandi flytur lokaerindi fyrirlestraraðarinnar: „How to drink Chinese Tea and Tea ceremony „. Erindið verður flutt á ensku. Sýnd verður stutt heimildarmynd um kínverska te-menningu og tveir listamenn munu framkvæma te-athöfn í lok fyrirlestursins. Gestir fá tækifæri til að smakka te lagað af listamönnunum. Til sýnis verða tekönnur úr Kínasafni Unnar.