Landsbókasafn Íslands – Háskólabókasafn og Rithöfundasamband Íslands hafa stofnað til nýrra ljóðabókaverðlauna sem bera heitið Maístjarnan og verða veitt árlega, í fyrsta sinn 18. maí 2017. Ingibjörg Steinunn Sverrisdóttir landsbókavörður og Kristín Helga Gunnarsdóttir formaður RSÍ undirrituðu samstarfssamning um ljóðaverðlaunin í Gunnarshúsi um leið og fyrstu tilnefningar til Maístjörnunnar voru kynntar. Tilnefndar bækur eru:

• Eyþór Árnason fyrir Ég sef ekki í draumheldum náttfötum, Reykjavík: Veröld
• Magnús Sigurðsson fyrir Veröld hlý og góð: ljóð og prósar, Reykjavík: Dimma
• Sigurður Pálsson fyrir Ljóð muna rödd, Reykjavík: JPV
• Sigurlín Bjarney Gísladóttir fyrir Tungusól og nokkrir dagar í maí, Reykjavík: Mál og menning
• Þórdís Gísladóttir fyrir Óvissustig, Reykjavík: Benedikt

Tilnefndar bækur eru allar til sýnis í anddyri Þjóðarbókhlöðunnar.