Tilnefningar til ljóðaverðlaunanna Maístjörnunnar 2024 voru kynntar í Gunnarshúsi miðvikudaginn 17. apríl 2024. 

Tilnefndar bækur eru: 

Áður en ég breytist eftir Elías Knörr

Dulstirni/Meðan glerið sefur eftir Gyrði Elíasson

Vandamál vina minna eftir Hörpu Rún Kristjánsdóttur

Flagsól eftir Melkorku Ólafsdóttur og Unu Hlíf Bárudóttur

Til hamingju með að vera mannleg eftir Sigríði Soffíu Níelsdóttur

Í myrkrinu fór ég til Maríu eftir Sonju B. Jónsdóttur

Ljóðaverðlaunin Maístjarnan eru einu verðlaunin á Íslandi sem veitt eru eingöngu fyrir útgefna íslenska ljóðabók.  Tilnefndar bækur eru nú til sýnis í anddyri Þjóðarbókhlöðunnar. 

Allar útgefnar íslenskar ljóðabækur ársins 2023, alls 83, sem skilað var til Landsbókasafns Íslands – Háskólabókasafns voru gjaldgengar og er listi yfir þær á sýningunni. 

Verðlaunin verða veitt við athöfn í Þjóðarbókhlöðunni þann 15. maí.

Dómnefnd skipa Guðrún Eva Mínervudóttir fyrir hönd Rithöfundasambandsins og Jakub Stachowiak fyrir hönd Landsbókasafns Íslands – Háskólabókasafns.