Í safninu er aðgangur að fjölda tímarita og dagblaða í prentaðri og rafrænni útgáfu. Safninu berast erlend tímarit á ýmsum fræðasviðum í áskrift auk þess sem það fær öll prentuð íslensk tímarit og dagblöð í skylduskilum sem þjóðbókasafn. Á það við um fréttabréf, ársrit, skólablöð og dagblöð. Dagblöð og tímarit á prenti er hægt að nálgast á 3. hæð í Þjóðarbókhlöðu og í Íslandssafni á 1. hæð. Rafræn tímarit í séráskrift safnsins og Háskóla Íslands eru aðeins aðgengileg á háskólanetinu. Fjöldi íslenskra blaða og tímarita eru aðgengileg í stafrænni endurgerð á vefnum timarit.is. Blöð og tímarit eru ekki lánuð út.
Finna tímarit
Heildartexti rafrænna tímarita
Tímarit.is
Stafræn blöð og tímarit
hvar.is
Rafræn tímarit og gagnasöfn
Leitir
Safnkostur Lbs-Hbs
Millisafnalán
Safnið útvegar notendum sínum bækur og tímaritsgreinar frá öðrum háskóla- og rannsóknarbókasöfnum. Bækur eru ekki pantaðar frá Borgarbókasafni eða almenningsbókasöfnum á höfuðborgarsvæðinu.
ISSN númer
Alþjóðlegt tímaritsnúmer (International Standard Serial Number – ISSN), er staðall númer ISO-3297 frá alþjóðlegu staðlastofnuninni.
Fjaraðgangur
Tímarit í áskrift safnsins og Háskóla Íslands eru aðeins aðgengileg á háskólanetinu. Nemendur og starfsmenn HÍ geta notað gögnin utan háskólanetsins með VPN-tengingu
