Umsjón með rafrænni útgáfu fræðitímarita í Ejournals.is
Landsbókasafn Íslands – Háskólabókasafn sér um rekstur og umsýslu útgáfugáttarinnar Ejournals.is, þar sem íslensk fræðitímarit geta birt efni sitt í opnum aðgangi.
Safnið veitir ritstjórnum stuðning við uppsetningu og rekstur tímarita í Open Journal Systems (OJS), þar á meðal ráðgjöf um útgáfuferla, skráningu lýsigagna, DOI-auðkenni og ráðleggingar um skráningu í viðeigandi gagnagrunna.
Skilyrði fyrir birtingu á Ejournals.is eru að tímaritið sé ritrýnt fræðitímarit og að allt efni þess sé aðgengilegt í opnum aðgangi. Þjónustan er hluti af stuðningi safnsins við opinn aðgang, Opin vísindi og innviði fyrir íslenskt fræðasamfélag og almenning. Markmið þjónustunnar er að efla íslenska fræðilega útgáfu, auka sýnileika rannsókna og styðja við opinn aðgang að þekkingu. Nánari upplýsingar fást með því að senda fyrirspurn á rannsokn@landsbokasafn.is.
Íslenska þjóðfélagið
Íslenska þjóðfélaginu er ætlað að efla rannsóknir og fræðilega umræðu um íslenskt þjóðfélag sem tiltekið fræðilegt viðfangsefni.
Tímaritið er vettvangur fyrir fjölbreytilegar rannsóknir á íslenska þjóðfélaginu og hvatt er til framlags frá öllum greinum félagsvísinda sem hafa íslenskan félagsveruleika að viðfangsefni…
Milli mála
Milli mála birtir ritrýndar fræðigreinar á sviði erlendra tungumála, bókmennta, þýðinga, málvísinda og menntunarfræði en einnig birtir tímaritið þýðingar, viðtöl, ritdómar eða bókakynningar eftir því sem rúm leyfir hverju sinni…
Netla
Í Netlu – Veftímariti um uppeldi og menntun eru birtar fræðilegar greinar um uppeldis- og menntamál. Sérrit hafa ýmist verið þemabundin eða tengd ráðstefnum um menntavísindi og birt ritrýnt efni og greinar af fræðilegum toga…
Ritið
Ritið – tímarit Hugvísindastofnunar er gefið út þrisvar á ári, að jafnaði í apríl, ágúst og desember. Hvert eintak er tileinkað ákveðnu þema og birtir fræðigreinar tengdar því.
Stefnan með útgáfu Ritsins er að gefa fólki kost á að lesa öflugt og vandað fræðirit sem er í fararbroddi menningar- og þjóðfélagsumræðu á Íslandi…
Ritröð Guðfræðistofnunar
Ritröð Guðfræðistofnunar birtir greinar, fyrirlestra, ritdóma og ritfregnir á fræðasviðum guðfræði og almennra trúarbragðafræða. Einnig eru þar birtar greinar af öðrum fræðasviðum sem snerta ofangreind svið eða ritnefnd metur hverju sinni áhugaverðar…
Stjórnmál og stjórnsýsla
Stjórnmál og stjórnsýsla (e. Icelandic Review of Politics and Administration) er vísindatímarit sem birtir niðurstöður rannsókna á íslenskum stjórnmálum og viðfangsefnum sem tengjast opinberri stefnumótun…
Tímarit um uppeldi og menntun
Tímarit um uppeldi og menntun er fræðilegt tímarit á sviði menntavísinda, gefið út í samstarfi Menntavísindasviðs Háskóla Íslands, Hug- og félagsvísindasviðs Háskólans á Akureyri og Félags um menntarannsóknir. Tímaritið kemur að jafnaði út tvisvar á ári og er tekið á móti greinum allt árið…
Tímarit um viðskipti og efnahagsmál
Tímaritinu er ætlað að vera vettvangur fyrir fræðilegar ritgerðir í viðskipta- og hagfræði. Útgefendur eru Viðskiptadeild Háskólans á Bifröst, Viðskiptafræðideild og Hagfræðideild Háskóla Íslands, Viðskipta- og hagfræðideild Háskólans í Reykjavík og Seðlabanki Íslands…