Vinnuaðstaða
Í Þjóðarbókhlöðunni er fyrsta flokks vinnuaðstaða til náms og rannsókna.
Reynt er að koma til móts við mismunandi þarfir námsmanna með fjölbreyttri vinnuaðstöðu s.s. lesaðstöðu þar sem algert næði ríkir (3. og 4. hæð), hópvinnuborðum í opnu rými þar sem hægt er að spjalla saman (2. hæð) og hópvinnuherbergjum sem starfsfólk og nemendur íslenskra háskóla geta bókað sjálfir. Til að tryggja vinnufrið eru þeir sem kjósa að vinna í aðstöðu þar sem næði á að ríkja beðnir um að slökkva á farsímum.
Samkvæmt 1. gr. laga nr. 142/2011 um Landsbókasafns Íslands — Háskólabókaafn er Landsbókasafn Íslands — Háskólabókasafn bókasafn Háskóla Íslands. Í samræmi við Samstarfs- og þjónustusamning Háskóla Íslands og Landsbókasafns Íslands — Háskólabókasafns eru lessæti sérstaklega ætluð nemendum Háskólans frátekin á prófatímum. Eru aðrir námsmenn beðnir að sýna því skilning.
Á 1. hæð er lessalur Íslandssafns en um hann gilda sérstakar reglur:
Gestir eru vinsamlega beðnir um að skrifa í gestabók, geyma yfirhafnir í fatahengi og töskur í skápum í forsal.
Vinnuborð skulu vera auð þegar salurinn er yfirgefinn. Hægt er að fá rit geymd í læstum skápum í forsal Íslandssafns til næstu daga sé þess óskað.
Lesborð
Lesaðstaða er á öllum hæðum hússins, um 430 sæti við einstaklingslesborð. Á 3. og 4. hæð eru auk þess borð þar sem allt að fjórir geta setið saman. Óheimilt er að helga sér þau en notendur geta yfirgefið borð í eina klst., án þess að eiga á hættu að missa það, með því að stilla klukku sem er á flestum borðum. Á próftíma hafa nemar við Háskóla Íslands forgang að merktum borðum á 3. og 4. hæð.
Á 2. hæð eru hópvinnuborð og þar má tala saman. Á hæðinni eru handbækur og uppsláttarrit sem eru aðeins til notkunar á staðnum. Lesborð í handritasafni og Íslandssafni eru ætluð þeim sem eru að nota gögn viðkomandi safna.
Lesherbergi og hópvinnuherbergi
Á 3. og 4. hæð eru 26 lesherbergi sem eru ætluð fræðimönnum, nemendum í framhaldsnámi á háskólastigi og öðrum sem vinna að ákveðnum verkefnum og þurfa að nota rit safnsins í tengslum við þau. Í 4 herbergjum eru tölvur með aðgangi að ritvinnslu, Netinu o.fl. Lesherbergi nr. 28 á 4. hæð er fyrir hreyfihamlaða. Sækið um lesherbergi hér (sjá reglur um úthlutun og gjaldskrá).
Í safninu eru 4 hópvinnuherbergi, eitt á 3. hæð og þrjú á 4. hæð. Þau taka 3-10 manns. Bókið hópvinnuherbergi hér.
Prentun, ljósritun og skönnun
Almennum notendum stendur til boða að prenta og ljósrita gegn gjaldi. Sjá gjaldskrá. Einnig er í boði að skanna og er sú þjónusta án endurgjalds. Pappír er í stærðum A4 og A3 og bæði er hægt að prenta í svarthvítu og lit.
Athugið að:
- Ekki er hægt að vista skjöl á tölvum safnsins
- Koma þarf með USB-lykil, t.d. ef prenta á út viðhengi úr tölvupóstum
Aðstaða:
- Aðstaða til prentunar, ljósritunar og skönnunar er á 2. hæð í Þjóðarbókhlöðu
Aðgangur:
- Til að nota vélina þurfa notendur fyrst að skrá sig og stofna aðgang
- Að skráningu lokinni fá notendur PIN-númer sent í tölvupósti
- Bæði aðgangsorð og PIN-númer er hægt að endursetja
Greiðsla:
- Notendur kaupa inneign vegna prentunar og ljósritunar í þjónustuborði
- Slá þarf inn PIN-númer til að virkja vélina
Nemendur Háskóla Íslands
- Nemendur Háskóla Íslands fá úthlutað notendanafni og aðgangsorði hjá Nemendaskrá á Háskólatorgi
- Geta notað prentara sem Þjónustumiðja Upplýsingatæknisviðs á Háskólatorgi rekur í Þjóðarbókhlöðu
Tölvur og Internet
Á 1. hæð í lestrarsal Íslandssafns:
Aðgangur að Interneti og ritvinnsluforritum.
Á 2. hæð:
Á móti þjónustuborði: Aðgangur að Interneti og ritvinnsluforritum.
Á 3. hæð:
Í lesrými: Fyrir nemendur og starfsmenn Háskóla Íslands með aðgangsorð og notendanafn að háskólanetinu. Umsjón með tölvunum hefur upplýsingatæknisvið HÍ.
Fyrir framan þjónustuborð: Aðangur að rafrænum tímaritakosti safnsins, Tímarit.is og greinasafni Morgunblaðsins.
Á 4. hæð:
Í lesrými: Fyrir nemendur og starfsmenn Háskóla Íslands.
Auk þess eru leitartölvur fyrir lbs.leitir.is á öllum hæðum. Í Þjóðarbókhlöðu er þráðlaust net (LBS-HotSpot) sem allir geta tengst með eigin fartölvu/snjalltæki.