Jón lærði og náttúrur náttúrunnar - Viðurkenning Hagþenkis 2016
Sýning í Þjóðarbókhlöðu
![](uploads/images/Jon_laerdi_syning.jpg)
![](uploads/images/Jon_laerdi_syning2.jpg)
Viðurkenning Hagþenkis 2016 var veitt í Þjóðarbókhlöðunni við hátíðlega athöfn miðvikudaginn 1. mars 2017 en hana hlaut Viðar Hreinsson fyrir bókina Jón lærði og náttúrur náttúrunnar sem Lesstofan gefur út.
Í ályktunarorðum Viðurkenningaráðsins sagði: „Með nærfærnum hætti er fjallað um ævintýralegt lífshlaup manns á mörkum forneskju og nútímafræða í samhengi við evrópska vísindasögu.“
Sama dag, þann 1. mars, var sett upp í safninu örsýning um bókina Jón lærði og náttúrur náttúrunnar og eru þar einnig handrit úr safninu eftir Jón Guðmundsson lærða. Sýningunni lýkur 22. ágúst.