Veitingastofa

Veitingastofa er á 2. hæð í Þjóðarbókhlöðu og rúmar hún um hundrað manns. Í veitingastofunni er fjölbreytt úrval veitinga. Í boði er ýmis þjónusta, svo sem kaffi eða hádegisverður á fundarstað, síðdegisboð og/eða matarveisla í fundarlok.

Mánudagur Sveppasúpa. 930.-
Núðlur, grænmeti og kjúklingur. 1550.-
Þriðjudagur Sellerírótarsúpa. 930.-
Ýsa í raspi með remúlaði, kartöflum og salati. 1950.-
Miðvikudagur Indversk kartöflusúpa. 930.-
Pastasalat með kotasælu, tómat og túnfisk. 1550.-
Fimmtudagur Spergilkálsúpa. 930.-
Bleikja á sætum kartöflum með engifer soya. 1950-
Föstudagur Paprikusúpa. 930.-
Pitsa með pepperoni, döðlum og piparost. 1550.-

Veitingastofa Landsbókasafns leitast við að vinna allt hráefni á staðnum. Brauð er bakað daglega úr hágæðahráefni. Hveiti, spelt og haframjöl er uppistaða brauðsins. Ferskt ger er notað og enginn sykur er í brauðinu. Súpurnar eru að uppistöðu mauksúpur og lagaðar úr fersku grænmeti. Engin kjöt-, fisk- eða mjólkurafurð er notuð í súpurnar.

Samlokur eru smurðar daglega og á þeim er eingöngu notast við ferst og gott hráefni. Nærri allar kökur eru bakaðar á staðnum og er notast við gamlar íslenskar uppskriftir í grunninn.

Fiskur og kjöt koma í hús fersk og mikið eftirlit er með kjötvöru, áleggi og fiski til að tryggja að um úrvalshráefni sé að ræða. Boðið er upp á rétt dagsins alla virka daga, ýmist kjöt-, grænmetis- eða fiskrétt.

Ægir Finnbogason sér um rekstur veitingastofunnar sem og mötuneyti starfsfólks. Hann er matreiðslumeistari að mennt og hefur meðal annars starfað á Jónatan Livingston mávi, REX og Hótel Holti.

Nánari upplýsingar veitir Ægir Finnbogason matreiðslumeistari, aegirf (hjá) landsbokasafn.is, sími: 5255660.

Netspjall