Viðurkenningu Hagþenkis 2021 hlaut Aðalheiður Guðmundsdóttir fyrir ritin: Arfur aldanna I: Handan hindarfjalls, Arfur aldanna II: Norðvegur sem Háskólaútgáfan gaf út. Í rökstuðningi viðurkenningarráðs Hagþenkis segir m.a.: „Í [Arfi aldanna I-II]opnar Aðalheiður [Guðmundsdóttir] lesendum sýn á fjölbreytt og heillandi samanburðarefni, allt frá króníkum á latínu og germönskum hetjukvæðum til útskurðar, vefnaðar og myndsteina. Hún dregur á ljósan hátt saman rannsóknir fyrri fræðimanna (ritaðar á ýmsum tungumálum) um leið og hún segir frá nýjum aðferðum til þess að nálgast þennan arf, til dæmis þeim sem taka mið af kenningum um minni eða um lifandi flutning og áhrif áheyrenda á sköpun söguefnis.“ Af þessu tilefni hefur verið sett upp örsýning í Þjóðarbókhlöðunni.