Árið 1925 komu sjaldséðir gestir til Ísafjarðar, tæplega 90 Grænlendingar. Á sýningunni er fjallað um hvernig þessi heimsókn átti rætur að rekja til deilna Dana og Norðmanna um yfirráð á hluta Austur-Grænlands, hvernig tekið var á móti gestunum á Ísafirði, athyglina sem hún vakti og hvaða þýðingu hún hafði fyrir samskipti þjóðanna.

Sýningin er samstarfsverkefni Landsbókasafns Íslands - Háskólabókasafns, Stofnunar Vigdísar Finnbogadóttur, Háskóla Íslands og Safnahússins á Ísafirði. 
Stærsti hluti sýningarinnar er í Veröld – húsi Vigdísar, en annar hluti í Þjóðarbókhlöðu þar sem má m.a. sjá bækur, greinar um Grænland og Grænlendinga í tímaritum og ljósmyndir.

Sýningin stendur til 29. apríl.