Verkefnið Pappírsslóð rakin hlaut þriggja ára styrk frá Rannís árin 2018–2021. Markmið verkefnisins var að kom­ast að uppruna þess pappírs sem notaður var í skjölum, handritum og bókum á Íslandi á 16. og 17. öld með grein­ingu á vatnsmerkjum í pappír. Meðal þess sem leitað var svara við er hvar og hvenær papp­ír­­­inn, sem notaðu­­r var í bókum og handritum, var framleiddur. Einnig var reynt að komast að því hvort mismunandi pappí­­r hafi verið notaður í mismunandi tilgangi. Var til dæmis notaður annar pappír í handrit en prentaðar bækur?

Í verkefninu voru rannsökuð rúmlega 140 skjöl og 350 handrit, ásamt 36 prent­uðum bókum og vatnsmerki í þeim greind. Auk þess voru 480 vatnsmerki í 98 skjölum, 61 handriti og einni bók mynduð.

Verkefnið var unnið af fræðimönnum á Stofnun Árna Magnússona­r í íslensk­um fræðum í samstarfi við Landsbókasafn Íslands – Háskólabókasafn. Sýningin er afrakstur þessa samstarfs.

Sýningarskrá