Leiklistarskóli SÁL – 50 ár
Sýning í Þjóðarbókhlöðu
13.10.2022 - 26.03.2023
Leikminjasafnið fagnar því að 50 ár eru liðin frá stofnun Leiklistarskóla SÁL, haustið 1972. Af því tilefni var fimmtudaginn 13. október 2022 opnuð sýning með myndum og gögnum sem nemendur og kennarar skólans (Samtök áhugafólks um leiklistarnám – SÁL) gáfu Leikminjasafninu til varðveislu. SÁL skólinn var stórmerkileg stofnun, leiklistarskóli stofnaður og rekinn af nemendunum sjálfum, á tímabilinu 1972-1975. Þarna fór fram mikið hugsjónastarf og bakvið tjöldin mikil barátta nemenda fyrir nýjum aðferðum í leiklistarkennslu og ríkisreknum leiklistarskóla.
