Viðurkenningu Hagþenkis 2024 hlaut Erla Hulda Halldórsdóttir fyrir ritið Strá fyrir straumi. Ævi Sigríðar Pálsdóttur 1809–1871. Útgefandi Bjartur.

Umsögn viðurkenningarráðs: Áhrifarík ævisaga sem varpar nýju ljósi á 19. öldina og veitir einstaka innsýn í heim kvenna. Byggir á ómetanlegum bréfum Sigríðar til bróður síns sem spanna hálfa öld.

Viðurkenningin var veitt  við hátíðlega athöfn 25. febrúar í Þjóðarbókhlöðunni og um leið opnuð örsýning með skjölum sem tengjast ritinu.