Þann 14. mars var opnuð sýning í Þjóðarbókhlöðu í samstarfi við Sinfóníuhljómsveit Íslands og afmælisnefnd fullveldisársins í tilefni af því að þann 23. mars ætlar Sinfóníuhljómsveit Íslands að frumflytja óratoriuna Edda II: Líf guðanna eftir Jón Leifs. Árni Heimir Ingólfsson tók saman sýningartextann og flutti ávarp við opnunina ásamt landsbókaverði. Á sýningunni eru nótnahandrit að verkinu, textaskissur, bréf og fleira sem tengist verkinu og lífi og starfi Jóns Leifs, en öll handrit, bréf og önnur gögn Jóns eru á handritasafni Landsbókasafns.
Netspjall_
Vinsamlegast kynntu þig með nafni og netfangi.