Norrænt bókband 2018

Sýning í Þjóðarbókhlöðu

 
Þann 1. nóvember var sýningin Norrænt bókband opnuð í Þjóðarbókhlöðu. Um er að ræða farandsýningu sem sett er upp á öllum Norðurlöndunum á fjögurra ára fresti. JAM hópurinn skipuleggur sýninguna en hann var stofnaður 1. október 1989 eftir námskeið í listbókbandi, sem haldið var á vegum Félags bókagerðarmanna í Iðnskólanum í Reykjavík. Dönsku bókbindararnir Arne Møller Pedersen og Jakob Lund voru þar leiðbeinendur. Hópurinn nefndi sig síðan eftir upphafsstöfum þeirra. Þetta var mikil lyftistöng fyrir bókbandsfagið og varð til þess að sex bókbindarar tóku þátt árið eftir í norrænu keppninni. Síðan varð hlé á norrænum sýningum í 14 ár og sagt er að það hafi orðið kynslóðaskipti í faginu. Árið 1998 var ákveðið að freista þess að endurvekja þetta norræna samstarf og var 2001 gengið frá reglum um nýja tilhögun norrænna bókbandssýninga. Sérstök dómnefnd með valinkunnum mönnum dæmir bókbandið og velur 25% af bókunum í sérstakan heiðursflokk. Fyrsta keppnin eftir þessum nýju reglum fór fram 2005 og voru þátttakendur 81, þar af 14 frá Íslandi. Keppnin er haldin 4. hvert ár.  Að þessu sinni eru þátttakendur 51, þar af fjórir Íslendingar og fá tveir þeirra heiðursviðurkenningu, Hrefna Ársælsdóttir og Ragnar Gylfi Einarsson. Af Íslands hálfu taka auk þeirra þátt í sýningunni Guðlaug Friðriksdóttir og Kristín Þóra Guðbjartsdóttir. Við opnunina fluttu Ingibjörg Steinunn Sverrisdóttir landsbókavörður og Georg Páll Skúlason formaður Grafíu ávörp.
Sýningunni lýkur 3. desember.
 
Sýningarskrá (PDF)

Eldri sýningar og viðburðir

Allar sýningar
Valgerður Jónsdóttir

Valgerður Jónsdóttir

Sýning í Þjóðarbókhlöðu

Sjá nánar
Stríðsárin 1938-1945

Stríðsárin 1938-1945

Sýning í Þjóðarbókhlöðu

Sjá nánar
Louisa Matthíasdóttir – aldarminning

Louisa Matthíasdóttir – aldarminning

Sýning í Þjóðarbókhlöðu

Sjá nánar

Netspjall_

Vinsamlegast kynntu þig með nafni og netfangi.

Spjallið er opið 9:00 - 16:00 virka daga.

Hleður spjall...
Netspjall